Chapter 95

rike yayar matarsa ya aurar? To wai ita din zai zauna da ita din a matsayin iyalin nasa ko yayane? Zata kuma yin magana Shuwwa ta fito tana ta tare abayar da ta doro saman mayafin abayar da ta daura a jikinta domin ba zata iya maida kayan cen ba ta ce" Mama ba'a shigo mana da akwatunnanmu ba?" Mama ta waiga tana mikewa ta ce" Akwatunna? To ko a mota aka barsu bara na je na gani?" Da ido ya kalli Mama tana son mikewa a hankali ya ce" Ba'a zo da su ba" Ido Shuwwa ta kwalalo tana kallonsa ta ce" Na'am ?" Kallonsa ya maida kanta gannin yadda ta yi da idon da bakin da hannayen har ta saki abayar dake jikinta Kin bata amsa ya yi ya shiga kokarin mikewa hakan ya sa ta matso da dan sauri tana son yin magana aman sai ta ga ya zagayeta vai bata damar yin maganar ba ya shiga zagaye falon a nutse yana kallon bangon falon, sannan ya nufi dakin da aka sauke su ya dan kwankwasa ya yi salama Sai da Nahidt ta amsa ya tura ya shiga Bai kaleta ba ya ringa bin dakin da kallo, har bayi ko'ina sai da ya duba sannan ya fito ya dawo gaban Mama da itama ke tsayen sunna jiransa da tunanin me yake nema kuma? Tana gannin ya dawo ta dan gyara tsayuwarta tana cewa" Yalabai , ina nufin akwatunana fa da na aunty da muka kamo ka ce mu bari yarenka zasu dauko, sunne nake tambaya ko sunna cikin mota ne? Duba da komaina a ciki zan cenza na kwonta ne" Bakinsa ya tabe yana ajiye wayarsa a nan ya juya da niyar tafia bai bata amsa ba hakan ya sa Mama fadin" MUHAY " Cak ya tsaya yana lumshe idannuwansa ya juyo yana kallonsu ya ce" A ina kika sayi akwatunnan da suke dakinki?" Tambayar ta zo mata wata iri, hakan ya sa ta dan zuba masa ido kafin ta ce" Ba ni na siya ba, na aurena ne da aka ringa kawo mini" Da haushi da mamakinta yake kallonta kafin ya girgiza kansa ya ce" Sun haramta a gareki!" Daga haka ya fice a falon gaba daya, inda ta raka shi da kallo kafin ta karaso kusa da Mama hankali tashe da jin sun haramta a gareta, su wa din? Biyun ko duka? Tana zuwa ta shagwabe fuskarta kamar zata fashe da kuka tana fadin" Lah mama, kayan nawa duka yake nufi? Innalilahi Mama me zan saka to kayana mama, mama kayana" Mama da wani irin farin ciki ya boye a zuciyarta tana kallon SHUWWAR tamkar ta saka daria a mutunce ta ce" Mu je ki saka wata rigar yanzu, da ke da yar uwarki akoy rigunna dogwaye a nan na anfanina, idan ya so da safe in sha Allah da kaina zan fita da ku Super market ko ku je da yan uwanku, ko a kawo maku ku hada akwatunna idan seti nawa kike so, kar ki damu dama ai bai maki akwatunnan aurenki ba, zai yi su ne ya kuma rama maki naki da ya haramta maki" Sai a lokacin ta sauke ajiyar Zuciya, aman duda haka ta kasa gane a kan wani dalili zai ce ya bada kayanta? Ina ruwansa da kayanta? Kuma ta tabata wasu kayan har ta mutu ba zata iya maida irinsu ba, haba dai komai kudinsa ai ba zai iya yi mata siyayar maza biyar ba walahi!............(🥺☹️🥺) ___________________________________ "Itace ke tura maka da masu neman ranka son, Ouseina ce ke son kasheka? Idan har Ouseina ce na rantse da Allahn da ya halice ni zan mayar cewa ita din yar uwata ce gefe, na maida raunin yar uwarta gefe, na gurfanar da ita a gaban kotu, domin idan har ita ce ba zan yi sake na barta ba, dan kuwa idan aka kyaleta tabas ni da kaina ba zan samu hutun zuciyata ba da barin bata gari bata zumuncin Allah a gari!" CHIEF OF ARMY Ya fada a kausashe yana kallonsa a cikin masalacin da suke zaune bayan an gama sallar asubahi kowa ya watse ya kasance daga shi sai Muhay sunna zantawa dan har yanzu MUHAY bai rintsa ba sanadiyar kiran yar uwar mahaifiyar tasa da ya samu jin ya shigo gari ta sake jadada masa ko hudu zai aura tana kan bakanta ba gudu ba ja da baya, wannan ya sake daga masa hankali da tunanin yanzu da ya matso kusa da ita zata yi kokarin damun rayuwarsa ne Idannuwansa ya lumshe a hankali ya bude yana kallon FATHER, a nutse ya girgiza kansa yana kallon gefen dardumar da yake zaune Idannuwansa ya rintse ransa na kunna ya ce" Da acema wannan ta nema, watau raina ta nema, da zan iya cewa zan yi ta rufewa har mu koma ga ubangijinmu, Dad ba ita ke neman raina ba" Father da mamaki yana kallonsa ya ce" Ban fahimceka ba son, kana nufin ka san wanda ke neman ranka, kuma a laifin da ya sa baka zumuncin da abokiyar tagwaitakar mahaifiyarka har akoy wanda zai zarce neman kasheka? Subahannalah menene wannan? Kuma su waye masu son ranka? Dan Allah ka fada min yau ko zan samu nutsuwa ka fada min ko zan iya rintsawa, u see ni Abanka ne, Allah ya jikan mahaifinka koda yana raye nine da alhakin nan a kanka domin jine zan hukunta mai neman ranka yarona!" Fuskantar Father ya yi shima ya gyara zamansa a hankali ya ce " Wani lokacin, shirun ya fi maganar alkhairi, wani lokacin bawa kan rasa ina zai duba ya samu fasarar wani lamarin?, Dama ace abokin hamayar kujerar da nake sama ke nemana da fitina, da na nemi mu yi fito na fito da shi, dama ace wanda na aikatawa wani laifi ke son neman fansa a kaina Father, tabas da na kwatanta bashi dama mun gwabza ta yadda mai iya fida kansa zai fida kansa........sai dai......." Ya karashe yana mai dantse lebensa da yin gum yana dan girgiza kansa Father da gabansa ke faduwa ya ce" sai dai me?" MUHAY ya dube shi ido cikin ido ya ce" Sai dai ni dan halak ne, kuma ina bashi dama ko zai fahimta ya gyara, aman ina tsoron na kasa hakuri....Father ina tsoron kokarin cin zarafin iyalina da ake son yi karfi da yaji ya sa na gagara hakura na shiga inda yake na daukoshi a hannuna na maka shi da kasa ta yadda bakinsa ba zai kuma yin wani furuci ba bale har ya kai raini wa ahalina!" Sosai ya hau a furucinsa kuma kana iya gane abin daga zuciyarsa yake fitowa kuma yana masa ciwo sosai Hakan ya sa Father ya girgiza kansa a sanyaye ya ce" sai na ji na tsorata Muhay, ka san me ya tsoratani? Yadda ka kasa furtan sunnan waye ke neman hakan, hakan na sakani tunanin kowa, ina kamo kowa ina masa kallon nan, na kasa tsayar da tunanina waje daya, sannan ita yar uwar mahaifiyarka menene laifinta a gabar dake tsakaninta da kai? Ka kuwa san girma da darajar zumunci? Allah ya la'anci mai yanke zumunci MUHYIDEEN" Idannuwansa da sukai ja ya rintse har gaban goshinsa na harbawa da zafi da zafi