Chapter 2

da me zan biya wuta, ruwa, da hayar gidan nan da muke ciki? Kin fini kyau da komai aman na haramta maki yi, ni zan yi na cida ke na shayar da ke na tufatar da ke, yaya kike so na yi ne? Bamu da dangi, iyayenmu sun je cen sun hadu sun yi aure sun zubo mu uwa tumakai sun je sun mace a wajen arfa yanzu kuma ni ce mamanki nice babanki, ni kadai na ragee maki shine zaki kashe ni? Lalle ke yar agula ce *SHUWWAR!*" Gajiya ta yi da zagayen ta yar da icen ta yi ciki da gudu tana gurnanin kukanta ,balema da ta yi arba da akwatunnan lefenta da komai da komai sai kawai ta zube a gabansu tana rusa wani kukan tana dora kanta a saman daya daga cikin akwatunnan ta ce" Haka salisu ya sakeni saboda yayata bata jin magana, Aka zo kan Mus'ab yana kuka ina kuka aka rabani da shi dan kawai yayata budurwar mijin mamansa ce, yanzun kuma Elhaj ya sake ni dan matarsa ta ce masa mamana karuwa ce? Yayata ce ma fa Elhaj ba mahaifiyata bace, wayyo *ALKALAMIN KADARATA MAI CIKE DA RUWAN TAWADA NE, ZANNA NI YAKE YI A GIGICE, TSARANI YAKE YI A HAUTSINE, RUBUTANI YAKE YI A KARKACE, GAMU A KASAR DA BAMU SAN AINAHIN ITACE TA IYAYENMU BA, GAMU A ZAUNE MUNA RAYUWA TAMKAR TUMAKI.......SHIN WANENE WANNAN WANDA TAKE CEWA ZAI ZAUNA DA NI BA RUWANSA DA WANDA YAKE RIKONA? SAI DAI IDAN DAN BARIKIN NE SHIMA, SAI DAI IDAN BASHI DA MAFADA A DUNIYA NE*....." Ta idasa maganar kasa kasa sosai ta yadda zaka gane daga kasan zuciyarta take jin ciwon abinda yake damunta, a nan tana kwoncen nan hawaye wani na korar wani ta sauke dara daran idannuwanta a saman kunshin da akai mata mai ruwan maroon wanda ya wani irin daukan kalar fatarta ya haskata tamkar kwai Da karfi ta budi bakinta tana ambatar sunnan yayarta wace ke tsaye a kofa sun yi cirko cirko ita da Fauziya A tare suka kalli Junna ta daga kafarta zata shiga Fauziya ta yi saurin rikota tana fadin" Kar ki je NAHIDT, kin fa san idan ranta ya bace komai yi take yi" Nahidt din ta share kwalar da bata so kowa ya gani tana fadin" Yaya kike so na yi Fauziya? Zuwa zan yi, ba zata iya ilatani ba, ranta ne a bace zata sauko in sha Allah, ko yanzun da ta kama sunnana na san ta fara saukowa ne kin fa santa sarai" Fauziyar dai na bayanta a hankali har suka idasa shiga dakin A yadda suka sameta sai da su dukansu suka kamu da tausayinta mai matukar yawan gaske A hankali yayar tata take dan matsawa tana fadin" Na'am?" Shiru ta yi mata bata amsata ba, hakan ya sa ta sake matsawa sosai muryarta a sanyaye matuka ta ce" *SHUWAR* gani na zo, ji na yi kamar kin kirayeni" Wace aka yi kira da SHUWAR din ce ta dan miko hannunta idannuwanta a rintse muryarta na rawa ta ce" NAHIDT, kunshin nan ki goge min shi kin ji? Na tsane shi. Bana son ganninsa a hannuna........" Da sauri ta zauna tana birkito kanwar tata jikinta ta ce" To yanzu kuwa, SHUWAR yanzu kuwa, Fauzy je ciki hado min abubuwan da zan mata anfani da su na wanke mata kunshin kin ji?" Da sauri Fauzyn ta yi ciki dan daukowar ita kuma SHUWAR din kanta a saman kirjinta muryarta cen ciki ta sake bude bakinta ta ce" Sunna da gaskiya da suka ce ba zan ce kadara ce ta saka ki haka ba, NAHIDT son rai ya shiga cikin lamarin, aman mazan kansu kin san sun zama yan iska ko? Me na yi zasu ringa sako ni bayan kafin su samu soyayata sai sun yi kamar zasu yi hauka?" Nahidt a sanyaye ta ce" SHUWAR dukankima shekarunki nawa? Just 22 fa, SHUWAR sai kina cewa mace tsufa take ke aure kike so, SHUWAR na san aure kike so aman kina da damar jan ko dan uban wanene a kasa yadda kike so, SHUWAR ki bari mai mutuncin da ya san mutunci dan mutuci mai daraja ya bayanar maki a lokacin da ya dace, ki daina gagawar nan, SHUWAR ke matar sarki ce ko gwamna, SHUWAR ki daina kukan haka a kan d'a namiji , ya jima bai sake ki ba wani zai kama ki ya so ki ai!" Kanta ta dago tana kallon kyakyawar fuskar yayar tata mai shekara talatin da daya a duniya , aman kula da kai ya saka freshhh take da ita, sai dai duda wannan kamaninta ba nutsatsen kamar mai Nutsuwa bane sakamakon kauce hanyar da ta dauka sana'a A hankali ta ce" Kina nufin na ci gaba da cin haram?, Na ci gaba da gannin kin shigo a talatainin dare kin shiga kin wanke najasa kin zo kin kwonta a kusa da ni? Kina nufin haka zamu ci gaba da rayuwa da wanda ya isa da wanda bai isa ba ya dubeni ya zagar min ke dan kin wulakantar da kanki? Wai Kinma san me Elhaj mai shinkafa ya ce da ke ne? Dalilin zagin da ya maki na rantse da Allah gobe sai na gigita rayuwarsa fiye da tunaninsa, haka kike so kina amso ni a police station kamar barauniya? ......" Dubanta ta maida kan Fauziya da ta gama zuba Dop a cikin ruwan dumin da ta tafasa ta ce" Fauziya, kin san da sai na halaka farin cikin Mai shinkafa?, mai shinkafa ya taka wuta bai sani ba, da ace hakurin da na bashi kar ya yanka min tikitin zawarci a karro na uku ya saurareni ne da na sasauta masa, aman walahi a yanzun ko sai kun yi belina, ina ji a jikina zan janyo maku magana ne" Hankali a tashe Fauziya ta ce" Kin ga ki rufa mana asiri, baki ji ba za'a yi taron nan na shugaban kasa? Kin san waye ya sauka a garin nan? Ki bari bayan taron nan sai mu je mu samu mai shinkafa mu koya masa hankali, aman a yanzu ki rufa mana asiri da bawan Allahn nan, cewa aka yi mahaukaci ne, kurmane, makaho ne a gaban wanda bashi da gaskiya, ki yi hakuri kar ki dago *ALKALAMIN KADARARSA TA BI TA SAMAN KANKI* sannan ta biyo ta kanmu SHUWAR!" SHUWAR ta lumshe idannuwanta masu shige da na mashayiya luuuuuuuuuuuuu tana saka kafafuwanta da hannayenta a cikin ruwan yayarta na anfani da lemun tsami ta fara darje mata kunshin ta ce" Baki sani bane, kin ga tun daga ranar da wannan basamuden ya damki kugun auntyna ya riketa dam ya jamu ya maka mu a gidan da aka kwaso mu ba ko sisi aka zubo mu kasar nan? Na tsani du wani halitar da zai amsa kiran mai anfani da kaki, bana jin tsoron mai rigar soja, bana jin shayin kai masa wargi, ko uban waye shi ni SHUWAR zan iya dubansa ido cikin ido na ce da shi Jaki , idan shi dan iska ne dan Allah ya yi gigin taba ni, ni kuma sai na karar da jikokinsa a wahala sai dai idan kasa ta lulube idannuwana kafin mu kai lokacin!" "Ikon Allah"