Chapter 62

Zata iya cewa rabonta da ta ji nutsuwa a cikin waje irin wadda take ji a Yanzu a cikin dakin nan tun a lokacin da mahaifiyarta ke kwonciya a gefenta ta sakata a cikin jikinta a cikin dakinsu na saudiya A hankali ta ringa sauke ajiyar zuciya tana sake shakar kanshin turaran ruwan da dakin ya dauka mai nutsatsen kanshi sannan ta ci gaba da sake bin dakin da kallo tana ta aikin lumshe idannuwanta da daukan yannayin wajen wa fatar dake jikinta har ta sadu da gaban madubin dakin ta ja ta tsaya tana kallon kanta tun daga sama har kasa ba tare da ta san me take son ganni a jikin nata ba A hankali ta sauke dubanta a saman kugunta sannan ta sauke a saman fuskarta Ajiyar zuciya ta sauke mai zafi tana kallon kanta a hankali ta furta" Me yasa kowa ke yanke mana hukunci daga ya ganmu ne? Shin kamanin halitarmu keda bamban da ta sauran al'uma ko kuma dabi'unmu ne ba irin nasu ba?" Dan jan numfashi ta yi jin abin na neman sakata a wani haki na mutuwar zuciya, hakan ya sa ta tatara gashin kanta ta hade a cen tsakiya da dan siririn ribom din da ta cire na sama ta maida shi a tsakiyar ta kame kan nata tana juyowa ta fuskanci dakin Bakinta ta yatsina ta mayar da muryarta kamar ta karti a tunaninta ta wani kausasa fuska ta ce" Kuma ki gyaran dakin nan ki cenzan komai dake cikinsa!, To malan ina koman da zan cenza din ne? Ni dai ai bakuwa ce kuma ban ga waajen da aka rubuta abubuwan cenza maka ba a nan, sannan me bedsheet din nan suka yi in ba almubaranci irin na mai kudi ba? Ina kayan share share da gugar dakin? Ni banma ga datin da dakin nan ya yi ba sai iya yi kamar na matsiyacin miji!, In dan a tunaninka aiki zai dakatar da ni SHUWWA girman saudiya ka fado babu nauyi domin babu abinda zai dakatar da ni wa aikata aikin nan a dan kankannin lokaci sannan na sauka na karanta wajen dora girkin na gani idan wasu sababin launin girki da hada tea ne za'a koyawa wace ta yiwa larabawa aikatau fine ai shi ilimi fadi gare shi mu kuma muna so!" Zannin gadon ta fara yayewa bayan ta dauke gajeran wandon dake ajiye a saman gadon tana zarro ido ta yi sauri nufar bayi ta ajiyr ta fito tana tunanin yaya zata yi da gajerun wandunnan da ta gani uku cif a ajiye a wajen snk ne? Tana zuwa ta idasa yayewa ta nufi bayi dan ta ga ko akoy injin wanki? Ai kam akoy shi, kuma tsaf ta iya anfani da shi, hakan ya sa ta bude ta saka zannuwan gadon ta zuba omo ta daidaita komai ta rufe ta koma tana tunanin wajen kayan aikin aka yi kiran wayar dake makale a dakin nasa Da neman fitina ta karasa ta daga dan ta amsawa koma waye, sai ta ji cewar an kawo mata masu aiki ne ta fito ta gansu, hakan ya sa ta yi dan murmushi ta ajiye sannan ta je wajen kayansa ta bude ta tsaya tana bin kayan da kallo A nutse ta janyo rigarsa irin na gudu masu babar riga da dogon wandon nan ta saka a saman rigar dake jikinta hakan ya sa rigar ta kusan zuwan mata gwuiwarta, sannan ta dauki hularsa ta kakin sojoji hankali kwonce ta dora a saman gashin kanta ta rufe tana fadin" yanzun wadinnan iya kayan gudu ne da na kakin soja? Gaba daya mutane ba tsoron Allah a lamuransu kwata kwata!" Tunda take saukowa kowace mace da aka zo da ita ta dago daga tsaotsayen da suke ta zuba mata ido, Wace dai ta shigo a matsayin matar jarumin nan ce a gabansu Watau kyanta da kyan fatarta a bayane ba a boye ba abin mangari ne a garesu, sai dai sun yi mamakin kankantar jijinta domin rigar nan boye du wani abu mai motsi na jikinta ta yi sosai da sosai Bata tashi basu mamaki ba, a lokacin da suke jira yar innocent murya ta gaishe su, ta yadda zasu fara dora mata nasu kalar ikon ta yadda zasu yi kata wayau da takamar mijinta ne su nuna mata sun fita iya karbar miji, sai suka ji dakakiyar murya tana kallon Chief dinsu a nutse cikin fitar da wararun harufa da yaren turanci bugage na Habuja😌 ta ce" To aman wadinnan wasu zan dauka a cikinsu a cenzo min wasu ko?, Kama yi hakuri ni gani nake mace daidaidai har goma sha uku sun yi yawa a aikin gidan nan gaskiya Sir, ka ga ka ware min mace takwas, suma su raba aikin ta yadda zasu anfana da lokutansu, idan hudu sukai duty yau, gobe sai hudu su yi, sannan duka a nan uku kadai suka kwonta min ka ga ba saman dakunan gidana zasu ringa hawa ba, iyakarsu gyaran falon nan shima ya min girma sosai ne, sai gugar diner, mutun uku sun isa su raba aikin nan su wuni sunna yi, daya kuma sai tana rakani kicin dan ta ringa mimiko min abubuwan bukata irin su turmi, tabarya, dan jajagen tarugu da barar tafarnuwa, da yankan albasa .....wannan shine kawai bukatata, gashi sauran nan basu da dabi'a ta suturta jikinsu, ka ga wancen wandonta kamar ya tsage a jikinta, wannan kuma rigarta daga sama botira a bale, ka ga wancen ita kanta ko hula babu tsakani da Allah mu da muka zo aiki ai za'ana sakani yawan magana ne, ka fa san yan mata da gwali kar a je a zo a ringa shara ana tsoron kurar falona ta taba kafar yan gayu!" Lahaula wala kuwata ila bilahi aliyul azim, watau da ake cewa kar ka yankewa mutun hukunci daga yannayin halitarsa haka ne Wannan yarinya a yan sekwani tana neman kafa tarihin da sauran matan cikin barikin basu kafa ba Domin a bayane , karara take kiran gidan ogansu da gidanta kanta tsaye, kuma a furucinta dukan wata mai rawa da kai sai ta sha jinnin jikinta harma ta yi data sannin zuwa ba da hijab ba dan kuwa basu san cewa matar ogansu koda yarinya ce to fa ta san ciwon kanta ga dukan alamu, idan kuma takamarsu bariki alamu sun nuna a bayane cewar kamar ta ce kau ku bani waje ne! Shi da kansa sai ya ringa jin kwarin gwuiwa da jin shayinta sosai , duda dama shi din ba mai katsala bane, ya kasance mai kiyaye dokokin iyayen gidansa ko ta halin kaka, shi fa Tunda ta sauko da hular oga a kanta ya ji yana tsoron dagowa idan tana magana, watau matan BARIKIN sojoji sunna cewa a sama masu Mama ko? Sun samu, ga yarinya Uwar manya ta bayana sai fatan mai tafia da ita ya shirya Dukkan masu gwalin nan masu cike da burin nan aka tarkata aka koma da su aka bara mata ukun da suka rage wa'inda suka kasance shiru shiru da daukan aikinsu da mahinmanci, ya koma da zulumin samo masu dama dama domin a gaskiya da wahala ace ana son masu nutsuwa da yawa a cikinsu, sai hamdallah kawai