Chapter 23

janyo mu? Wa yake son alkhairi da mu? Wa yake yi mana fada?, Kin san da Alkhairinmu ne shi, me yasa kike fada da shi ne bayan ba abinda yake yi maki?" Baki ta tabe tana fadin" Haka zaki ce ba Abinda yake yi min? Ke bakya gannin abinda yake yi min ne?" Murmushi SHUWWAR ta yi tana fadin" to ki yafe masa" NAHIDT ta sake turo baki tana sake kallon dakin da suka shige suka kule a cikin zuciyarta tana ayana' An dai ji kunya walahi!' Su dai a zaune suke a dakin nan dake fitar da dadadan kanshi, haka kuma nan da nan aka karama su da karamawa mai matukar daraja Kiraye kirayen sallar magariba ta fitar da Malan daga dakinsa ya wuce malalaci, matarsa dake dayan dakin na ciki kuwa tunda ya nuna mata mahinmancin baki ya umarceta kan ta fito ta kula da su ta labewarta a nan sai da ya fita ta fito tana mai sake bin NAHIDT da kallo domin du ita ta fi tsole mata ido sannan ta wuce bata ce da su ko ku ci kanku ba Ana gama sallar isha'i da yan mintuna dirar motoci ya tabatarwa mutanen gidan amaryar da Malan zai mika dakinta ce aka zo dauka, hakan ya sa gaba daya jikinsu ya sake yin sanyi A lokacin da Malan ya shigo ya saka su gaba ya shiga yiwa SHUWWAR nahisa sai ya kasance suma sun dukar da kawunansu sunna masu jin maganar har cikin bargonsu Sai da ya gama ne ya bada damar a shigo a tafi da ita, a nan ya sake kurawa NAHIDT ido yanai mata kallon da shi da kansa ya san ba kyau a adininsa, aman irin yadda take cijewa tanaa yiwa yar uwarta bankwana ta kasa tashi daga zaunen da take har aka fice da SHUWWAR Fauziya na kofa tana hawaye ita kuma ta kasa tashi daga ita sai shi ya saka shi yin dan Murmushi a sanyaye ya ce" Allah ya basu zaman lafia" Sai yanzu ta iya dagowa ta kale shi, hawayen cikin idannuwanta na gangarowa, ta saka hannunta da sauri tana sharewa Murmushi ya sakar mata yana furta" Tashi na maida ke gida " Mikewa ta yi ta kama hanya bata bi ta kan matarsa da ta shigo yanzu yanzu gidan dan fita ta yi a sace ta tafi ta aikata abinda take gannin shi zai gyarata, domin ita dai ba zata yarda da irin wannan cin kashin ba a rayuwar mijinta ! ________________________________ Satinsa uku da dawowa daga garin su SHUWWAR, dawowarsa har zuwa yanzu zama ne yake yi kadan aiki da yawa Abinda ya fara bashi ciwon kai shine karancin masu laifi a garin nan Gari ya riga ya zama capital inda kannanun barayi ne kawai suke bayane na bakin kasuwa, bayansu sai manyan yan hadama dake takatsantsan da takunsu, bayan shi burinsa ya samu waje mai dauke da masu laifi ta yadda zai baza kwonjinsa da horon da ya samu a kasar waje ta dogon karatun da ya yi har ya samu matsayin da yake kai a yanzu Haka kuma gefe daya mamansa ta jajirce ta murje kan sai ya sake yin wani auren, hakan ya sa ya bada damar samun wata dan ya aura domin shi da kansama a cikin halin rayuwa yake na rashin mace a gefensa A yau da ya zo gidan nasu ya tardo abinda ya saka shi yarda cewar a duniya idan ka zamto ana yawan ganninka a waje ana iya rainaka sosai, domin yarinyar Fatser yar gidan uwar gidansa ce ta dubi tsabar idannuwansa ta nuna shi take so a gaban mahaifiyarta da mahaifinta inda mahaifinta mamaki ya saka shi tsayar da murmushin da yake yi mata yana kallon mamanta da ta dauki magana tana murmushi tana fadin" Ai ni kam cewa na yi abu ya fi karfina ta samu abanku ta fada masa da kanta ya gani da idannuwansa, Sir ba dare ba rana yarinyar nan maganarta LIEUTENANT GANARAL ne, tun ina daukan abin da wasa har ya zo ya zama gaske a raina domin ta jajirce ta tsaya a kan ra'ayinta, shine dai na ce Yau tunda ya zo bara ta sanar da bukatarta na san ba zata rasa ba" Mamakin matar tasa ya saka shi kafeta da ido, Ikon Allah, aiki na son rai karara ya bayana a tare da matar tasa, kamar ba ita bace abokin kishinta, abokin ra nuna ana sonsa ana masa meye meye to fa MUHYIDEEN ne, nan har nunawa take zai iya cin gadonsa tana lamari irin na kar a fara yi masu haka din nan, kuma yau itace da fadin irin maganar nan? Bayan ko ga maciji basa yi da mahaifiyar yaron, kishi take yi da ita kiri kiri ? Fuska ya hade yana kallon y'ar tasa ya ce" Ashe baki da hankali? A nan waye sa'anki a tsakanin ni da Son din? Ashe idannuwanki sun bude haka ne da zaki kawo min raini irin wannan?, Ke yaushe na yi sake da tarbiyar y'ayana da har zaki zo ki dubi idannuwanmu da kafafuwanki a nan ki ce kina son Son?" Da mamaki hajia ta ce" Aman Elhaj menene damuwar a nan? Inace so halita ne?" " Dan Allah malama saurara min hakanan, irin haka ne kuke sakawa y'ayanku tunanin da zai halaka su ku dawo kunna nuna baku san lokacin ba, so? Na yaushe? Kin ga bana son aiki irin na son kai da shirme, idan shi yace yana so fine, idan ita ce zata bilo min da wani hauka ba zan dauka ba, ban haifi yar da ta isa da kanta ba, daga ke har ita ina iya baku mamaki a kan harkae SON!" Ya fada da karfin da ya saka MUHYIDEEN dake kallon TV kamar baya dakin dan rintse idannuwansa domin hayaniyar ta fi damunsa fiye da rainin yarinyar gaskiya A kausashe ya kuma korar yarinyar da tsawa yana rakata da kallo domin da matsanancin kuka ta fita a falon tana mai jin ciwo a zuciyarta, Me abansu yake nufi? Du wannan kwaliyar , da jiran lokacin nan da ta yi ana nufin a banza ko me? Ama wasa abansu yake, walahi wasa yake yi, bai san ta sha walahaula a kan maganar GANARAL ba? Yadda ta iya tunkararsa yau ai ya ci ace abanta ya shiga mamaki da tsoro a kan neman katangeta da shi! Mahaifinta a kausashe ya dubi matarsa yana fadin" Haba hajia, da girmanki? Da komai? Na san so halita ne, aman idan baki katse hanzarinta ba me kike so ta zame maki ne? Kin ga yanzu maza basa son tsaurin idon nan, ko daya basa sha'awar irin haka fa, ku kiyaye dan Allah, kece baba a gidan nan bayana, ke ya dace ki ringa tsawatar da duk wani hayaniyar gidana ba ki rinka taya yarana neman fitinata ina zaman lafiyata ba" Ita kam da ya sani, da shiru ya yi da Neman fahimtar da ita yaren da bata ganewa, domin gaskiya ita abinda y'ayanta ke so ko bata so zata mara masu baya ne, ita kam tana yiwa bukatar yayanta biyaya, to idan bata yi ba me ake so ta yi? Bata bin bayan zaburar da yaro ba gaira babu sabar a hannawa yaro