Chapter 29

gidansu Ta jima tana kallon kofar da tunanin Allah ya sa yayarta tana gida A hankali ta kama kofar ta bude ta zirra kafafuwanta kasa zata fita ta ji yana fadin" Dukan mace ta duniya tana da kima, ko me ta zama a rayuwa kuwa tana da daraja, idan ta hadu da wanda ya san darajarta zata kasance macen da ta fi kowa haskawa a duniya, yar budurwa kar ki manta cewar ko me kika gani na rayuwa ke din halita ce mai daraja,, uwa ce ke, y'a ce ke, kanwa ce ke, yaya ce ke, kin ga abubuwan da yawa , idan ba ke fa Walahi babu rayuwa kwata kwata, kar ki shiga gidanku ki dora kuka , ki je ki godewa Allah, zan dawo gobe in sha Allah" Tabas ta samu nutsuwa a zuciyarta, tabas koda ace bata dawo normal ba, domin abu ne mai matukar wahala, ita a yanzun ALKALAMIN KADARRARTA ya daina firgitata ya dawo bata tsoro, aman kuma ta ji dama dama a zuciyarta na tunasar da wannan mutumen ya yi mata cewar kai kanta da ta yi gidan giya ba shine mafita a rayuwarta ba A hankali ta tura ta shiga tana gaishe da baba mai gadi dake morewa da kazar da aka miko masa Da kallo ya rakata da tarin tambaya a ransa na yannayinta, ko hujab babu a jikinta ba wani mayafi hakan ya sa ya ringa adu'ar Allah ya sa ba sakinta mijinta ya yi ba A hankali ta kama kofar ta shiga da Salama a bakinta tana waige waige Yayarta dake zaune tana kwaba lalen da take son kunsawa ta dago da sauri tana sauke dubanta a kanta Yannayinta ya saka gabanta yankewa ya fadi da karfin gaske har sai da ta zabura tana sakin lallen a kasa tana sake kallon kanwar tata da son mikewa lokaci daya haka kuma bakinta ya kwashi inda inda tana fadin" SHUWWAR, me menene? Ina lulubinki shuwwewwwwwwwwww" maganarta ta katse sakamakon faduwa da ta yi ta dalilin kushin dake ajiye domin idannuwanta sun rufe sam ta kasa ganninsa sai da ta tabeta ya kifar sannan ta ankara Da sauri SHUWWAR ta idasa isowa tana kamata tana fadin" Subahannalah Aunty Hal anta mash-ghouul?" Hannunta da ta riketa ta kama tana kallonta ta ce" Na zata ko , ko , na zata ko ya sake ki ne da na ga baki da lulubi bayan matan aure sunna suturta jikinsu ne, kin ga ki ringa saka lulubi dan aure ba abin wasa bane" Dan murmushi ta yi mai ciwo a hankali ta dora kanta a saman kirjin Nahidt dake yi mata nasiha hakan ya saka Nahidt yin tsiittt lokaci daya kafin a hankali muryarta na rawa ta ce" SHUWWAR me yake faruwa?" SHUWWAR ta dago tana kallonta , ta maida kanta saman kirjinta a hankali ta ce" Ya sakeni, sai dai shi saki daya ya min, kin ga hakan na nufin ta yiwu idan na kuma yin wani auren zai zaunu" Wannan karron maimakun zuciyar Shuwwar din ta nemi gazawa ta yar uwarta ce ta nemi gazawa Muryarta a sanyaye ta ce" Shima ya sake ki ne dan an ce ni karuwa ce?" Ido SHUWWAR ta rintse na kalmar da yayarta ta kirayi kanta a hankali ta girgiza kan nata tana fadin" Aa, bakima shigo cikin maganar ba, kin san me na fahimta.......hasalima ke din kin zamto mahadin Kadarratah ne, aman da ke ko ba ke dole ne rubutacen al'amari zai kasance a kaina, wannan sakin bama dan ke akai min ba, wani soja ne ya saka aka daukomu dan a yi kuraya, a nan dai wa'adin auren nawa ya cika" Lebenta ta dantse tana son hanna kanta kuka, aman sai da abin ya gagareta ta fashe da kuka tana rike SHUWWAR a jijinta ta ce" Shin mun fi kowa aikata laifi ne da muke fuskantar irin wannan hukuncin a wajen al'uma, menene laifinmu? Me muka yi da zafi haka?, SHUWWAR I'm sorry, I'm sorry dear" SHUWWAR ta karra kwontar da kanta a sanyaye ta ce" Haka nawa ALKALAMIN KADARRAR yake, Aunty ina tunanin bani da rabon yin aure a duniya" Wanu kukan NAHIDT ta fashe da shi wanda ya fitar da Zahra'u dake kicin tana soya masu zabuwa da sauri tana fadin" Kamar kuka nake ji NAHIDT" Jikinta ne ya yi wani irin mutuwa tunda ta ga SHUWWAR rungume a jikin NAHIDT din Tunda Shuwwar ke koke kokenta idan an saketa bata taba jin tana zubar da hawaye irin na yau ba, A yau itama da kanta ciwon sakin Shuwwar din ne yaa ringa sukanta a kirjinta har ta kasa tsayuwa a kan kafafuwanta ta karasa da sauri tana dukawa a kusa da su ta rungume su gaba dayansu a jikinta Kukansu suka sha su su uku NAHIDT dake kuka tana fadin" Shikenan dan bamu da kowa sai a ringa wulakantamu?, Shi yasa ban sakawa kaina soyayar na yi aure a zuciyata, domin na rigaya na sani cewar babu wanda zai iya jin kaina, babu wanda zai aureni ya zauna da ji domin Allah, ya zamana dan iskama ta kirki yake so mai fitacen usuli, kowa idan ya tashi ta kirki yake so ido rufe, mu kuma da muka kasance a haka ba sai mu karre a haka ba?, Aman SHUWWAR bata cencenci haka ba, Shuwwar ya cencenci ta samu gida ta zauna da mijinta, bata takawa kowa ba, bata kashewa kowa ba, idan takamar mazajen dake sakinta dan ina fita ina harkar badala ina samun naa abincina ne daga yau na daina, walahi na daina, su aureta su kilace min ita dan Allah ba dan halina ba" A sanyaye SHUWWAR ta sake riketa a jikinta tana fadin" Da ace zasu dube mu bayan mun tuba su dauke mu ba dan su ringa goranta mana ba, su kula da mu domun Allah, aman kin ga Aunty, ko sun aure mun dan su wulakantamu ne, kina gani fa irin soyayar da yake nuna min aman ana kaini ko kallo ban ishe shi ba, yakan shiga ya fita aman banda dakina" NAHIDT tana kallonta ta ce" kina nufin har yau da ya sake ki babu abinda ya shiga tsakaninki da shi?" A hankali SHUWWAR ta sada kanta tana jin nauyin irin maganar nan ainun Fauziya da ta kasance mai sanyin cikinsu aman yau itace da fadin" Dama tun usil bai mana ba, bakya gannin kama yake da munafukai? Fin karfinmu kika yi, a yanzu da ya kasance bai taba ki ba Alhmdulilah, matsiyaci algungumi kuma walahi sai mun kwaso kayanmu harda akwatunnanki!" Ita kam so take ta kwonta ta huta dan kanta ciwo yake yi mata, dan haka ta nemi da su sama mata wajen kwonciya so take ta kwonta A wannan daren ta samu soyaya a wajen yan uwanta taamkar zasu maida ita cikin cikinsu, domin a shinfida daya suka kwana gaba dayansu har akai kiran sallar asubah Abin mamaki su dukansu kiran sallar ne ya tashe su suka kuma gabatar da sallarsu a kan lokaci, a nan Fauziya ta shiga kwashe shinfidar da sukai a falo suka kwana tana mayarwa ciki sannan ta shiga gyagyara gidan itaa kuma SHUWWAR ta koma dakinta ta kwonta dan barcin ba wani isarta ya yi ba Lalabawa NAHIDT ta yi