Chapter 20

bana son aure a cikin familly dina, irin auren nan yawanci wahalarsa ta fi dadinsa yawa, zama ne na tauye junna, zama ne na mulkin junna, bale gidanmu ina gannin yadda ake so a yi da mahaifina danma shi din jajirtace ne wajen neman kariya a wajen Allah, ai da tuni an fi karfinsa an saka mu a uku" Sudais ya fada a nutse yana sake gyara zamansa a saman kujerar da yake zaune SHUWWAR ta sauke ajiyar zuciya, tana sanye da jar riga doguwa mai dogayen hannaye , kanta yafe da dan kwalin rigar ja, ta sake bin dakinsu da kallo wanda yanzu auntynta ta dawo tun fitar sasafe da ta yi a gidan sai yanzu ta dawo daga yawonta kusan karfe takwas na dare kennan Wata ajiyar zuciyar ta sauke a sanyaye ta ce" In sha Allah zan yi mata magana" Murmushi ya yi yana fadin" To menene na yin sanyin kuma? Ko dai na bata maki rai ne?" Da sauri ta girgiza kanta tana danne abinda take ji ta ce" Kaina ke dan ciwo ne SUDAIS" Da kulawa, da tarin soyayarta, kamar yadda ya saba yi mata ya ringa yi mata sannu yana mikewa hadi da fadin bara ya je ya siyo mata magani, sai dai ta dakatar da shi tana fada masa tana da magani a daki ba sai ya wahalar da kansa ba, kasancewar dama karfe takwas ta yi a haka sukai salama ya tafi da damuwar gannin damuwa a fuskarta Da ido ta raka bayan motarsa har ya bacewa ganninta kafin ta sauke ajiyar zuciya Ji ta yi idannuwanta na cicikowa da kwallah, ta afka a tunanin ta yaya zata iya fada masa aurenta uku, a auren uku babu wanda ta tare ake yanka mata tikitin saki? A yanzu da ya kwatanta mata cewa ahalinsa rufe suke da tashin hankali a tare da su sai ta karra jin tsoron fada masa magana makamanciyar wannan, ita da kanta takan tambayi kanta wai anya bata dauke da bakin aljanni da ake fadin yana lalatawa mutun aure? Anya dalilin yayarta na bariki kawai zai hannata auruwa ne? Jiki a mace ta koma ciki Tana shiga ta dauko wayarta ta dawo ta zauna ta shiga doka number Malan ba ruwanta da lokaciN da ya ja NAHIDT dai ta kalleta sau daya ta maida dubanta kan series din da ake haskawa suke kallo a tare A sanyyaye ta amsa salamar da ya yi mata sannan ta ce" Aba, Sudais din ne ya ce maganar turowar saura kwana uku na tuna maka , shine nace to zan tuna maka, Aba na masa maganar na fi so su zo da shirin yin komai harda daurin aure, bana son harkar bikin nan Aba domin idan na ce a yi biki ina iya janyowa kaina wata fitinar, shine ya ce Shima gidansu yan sunnah ne basa bidia, basa irin haka basa bukukuwan nan hakan ta fi gyara su" Malan ya amsata a nutse yana adu'ar Allah ya sa alkhairi ne Ta amsa da " Amen Aba alkhairin nema in sha Allah, Aba ka ga ya fara ankara da halayan aunty ko? Domin ya ce na yi mata maganar shigarta da yawan yawonta, Aba shin idan na kaita wajen yan Hizba ba zasu nutsar da ita ta daina wannan halaya ba?" Da sauri NAHIDT ta juyo tana kallon SHUWWAR tare da zarro Idannuwanta, Fauziya kam ta mike tsagal ta yi ciki dan ta san ba za'a wanye lafiya ba A sanyaye ya mike daga falonsa ya nufi hanyar waje Ba dan yana jin tsoron iyalinsa ba, aa, sai dan kauce bacin ransu a irin wannan lokacin da suke karatu baki dayansu a falon nasa, duba da sun kulafurci alakarsa da yan matan, fitowa ne basa yi su zuba masa rashin da'a dan alfarmar lazumin dake bakinsa dake sakawa kowama shayinsa A sanyaye yake sauraron muryar NAHIDT din dake fadin" Da kike hadani da shi kin ga na shiga harkarsa ne ko kawai ki sa ya tardoni nan ya min abinda ba shi ba? Da kika fada masa har ya yanke lokacin aurenki ubankine shi? to bari ki ji ban yarda ba, babu mai daura maki aure nan da kwana uku sai kace marar gata marar galihu, sai an yi biki irin na kowace y'a, ba wani yan sunna yan izala ne su masu tsirfa , to kaniyarsa shi da sirfarshi, dama ni sam bai wani yi min ba, sai na yi biki! Kuma so kike ki hadani da yan Hizba? To dan Allah ki kaini idan sunna so su bani sana'a mana, yau na ga jaraba daga ke har masu daure maki an je an yin!" Murmushi ya yi yana girgiza kansa sannan ya daga idannuwansa yana kallon sararin samaniya A hankali ya ce" Allah ya shirye ki, in Sha Allah sai na daura mata aure jibi, ki kaini kotu idan baki yarda ba, kinga ta nan sai mu samu mu mikaki hannun yan hizban idan ya so sai mu ga fitsara shin zaki kalle su ki tata masu ne ko zaki yi laushi? NAHIDT ALLAH ya shirye ki" Wayar ta warta a hannun SHUWWAR dake girgiza kafafuwanta tana ingoying da fadan su domin idan sunna yi abin haka kawai yake sakata a shauki ta maka mata harara sannan tana hararar wayar ta ce" Malan, na ce SHUWWAR din nan kanwarka ce ko tawa? Ina ce kanwata ce, uwarmu daya ubanmu daya da ita, wace aya kake tofa mata da take jin maganarka sama da tawa? Na ce ba zaka daura mata aure ba ka ji?" Muryarta cikin fada take yi masa magana, sannan da take yi masa maganar sama sama abinta, aman kalkala irin ta wanda larabci yake yarensa, wadda ta tashi a cikin larabawa na yiwa harshen nata linzami, haka kuma da take yin ihun tana hadawa da larabcin ne har idannuwanta na rufewa, hakan sai ya saka shi sauke ajiyar zuciya a sanyaye ya ce" NAHIDT ?" Kin yin shiru ta yi da farko ta ci gaba da maganarta har sai da ya sake furta sunnanta a sanyayen sannan ta ringa inda inda kafin ta ce" MeMeMeye?" Idannuwansa ya bude yana fadin" Ki yi magana kasa kasa ta yadda muryarki zata yi kasa da tawa kin ji?" Haushi ne ya kamata ta kankance idannuwanta, sai dai a rashin sanninta muryar tata fa ta yi kasan ta ce" Kana nufin ga abinda nake yi maka magana a kai cewar ba zaka daurawa kanwata aure ba shine a gabanka ba ta matsalar da kai ka gabu cewar muryata na sama da taka shine ka dakatar da furucina ne ya fi mahinmanci a kan maganar nan? Malan fa.....Malan fa?" Har ga Allah yar dariya ya yi na karashen maganarta da ta ce Malan fa, irin idan kana yiwa d'anka fadan nan da zaka ce wane fa din nan? A sanyayensa ya ce" Eh haka na ce jibi zan daura mata aure kuma bana son ki yi taro kin ji?" Ido ta kifta tana kallon yadda Shuwwar ke sake daura kafa daya kan daya a saman kujera ta ce" Idan na ki me zaka yi?" Lebensa ya cije yana jin irin balakin dake kunnun masa a kan lamarin yayar SHUWWAR , yakan fadawa Allah cewar