Chapter 182

fuskarsa ta dan shafa a hankali ta furta" Me yasa kake nuna min kamar ka damu da lamarina bayan ba haka bane? Meye dalilin da ya sa ka tsane ni ne a rayuwa? Me ya sa daga baya ka shiga jikina? Me ya sa ni ba zan taka matsayin da wata ta taka a rayuwarka ba? Me ya sa kake tunanin kai kadai ke iya jin zafin furucina? Me ya sa furucina zai maka zafi a kahon zuka bayan na san ba wani lamari dake damunka a kaina? " Murmushi ne yake mai ciwo, hannunta ya jimke cikin nasa muryarsa a sanyaye ya ce" Eyah, a yau bakin wace ta saka min damuwa shekara da shekaru nake fama da miki a cikin zuciyata ce ke neman furtan bata taka rawa a rayuwata ba? Cikin rawar wace take son takawa ne? Wace zata riken makogwaro na kasa hadiye yawu ko wace? " Sado idannuwansa ya yi yana kallonta , a hankali ya saki dayan hannun nata ya kawo yar yatsarsa wajen sajen fuskarta muryarsa sanyaye ya ce" Beebah, ni na san ba biye da ke da nake bane, wayona, fadana ko dabarata ya saka Allah ya kare min ke ba, Beebah yaya aka yi a lokacin da aka fitar da ni daga gidan koyon yaki ina buda ido na fara ganninki da saurayi a wajen danjar daje raba hanyar gidan Abih? Beebah hannunki cikin nasa kun gaisa ko meye oho, a lokacin da aka fice da ni a motar mai martaba ta sirri muna zaga gari a cikin tukin wahainiya ana nununa min yanda garina ke ciki da al'umar garina, sai kawai muka hadu da ke, wando ne a jikin ki blue da farar riga, ko nonon kirki baki fara ba aman kina tsaye da wani Beebah bayan ba haka na tsara mana ba? " Da mamaki ta kurawa fuskarsa ido tana kallonsa, Ido cikin ido ya ci gaba da fadin" Du wannan bai isheki ba , daga jin na fito sai kika dauke kafa da zuwa wajen AMMI sai idan ta saka an dauko ki, Beebah kowa na zuwa gaishe ni aman banda wace na riki gaisuwarta da mahinmanci, kowa na rububin son sanina banda ke, yar kankannuwa da ke kikai min katutu kika hanna min zaman lafia Beebah aka tashi aurena, a tunanina shakuwar da muka yi kina karama ya bara maki abinda ya bara min, aa , sai kika dauko makada kika dinka dinki mai tsada kika cashe a aurena, shin wannan bai isa ya batan rai ba? , bayan wannan da shekaru Allah ya amshi ran mai martaba, Beebah na maye gurbin kujerarsa, abubuwa suka kara matso ni sosai, fuskantar lamura suka sakoni gaba, a haka kika kutso da makamanki na son sai kin halaka ni Beebah ba'a sati ban yi shara'ar ki ba, abin takaici yawanci ko budurwa ta kawo kararki da saurayinta kar ki kwace mata, ko matar aure ta kawo karar a maku tsakani kar ki rabata da mijinta da y'ayansu A lokacin d akaina ke sarawa na buda idannuwana sai na ga yar kankannuwar kanwata ta zama cikakiyar budurwar da dukan mai Namijin dake amsa sunnan namiji zai iya mararin son samunta a matsayin wace take kusa da shi sosai, kusanci mai girman gaske, Beebah gaki da son saka kannanun kaya, gaki da son amsawa kowani dan banza Yaya kike so na yi da tunanina ne?" Ya kuma tsagaitawa yana shafa dogon hannunta ya ci gaba da fadin" Bayan wannan kika tashi da burin tsanar sarauta, kika dora da burin tsanar mai farin fata, karfi da yaji kika sakani boye kamanina wa duniya dan kar abinda ke raina ya falasa ki guje ni!, Ya kara lumshe idannuwansa ya ce" Beebah, ban taba jin ina zama lusari, wawa, wanda komai ke kuncewa ba sai kina daf da ni, idan ina shara'arki nakan yita ne zuciyata na aman jinni, nakan bayanata ne jikina na tsuma, hankalina a tashe, sai na kafe ki da ido dan ki fahimci yarena ki rufa min asiri ki kiyayi neman halaka ni, duda kuwa na san kallon nan naki da nake zai haifar min da mugun bukatar son na kebance da ke a matsayin matar aurena" Dan murmushi ya yi yana fadin" Rigimamiyata, ban koya maki sakankancewa da ni ba dan ki sakankance da kowani gardi, sai gashi abubuwa na zuwar min masu bata zuciya har ta kai na yi akwati na tatara damukarki na kule, na ringa neman laifinki ido rufe da yanda zan yi na kama ki a kan zargin da nake maki dan na hukunta ki na huta, ba zan boye maki ba da ace na kama ki da wani laifi abinda zai hanna min gabatar da hukuncinki a tsakiyar garin damagaran ba karamin abu bane, dan kuwa kin min ilar da ido rufe wajen maida duka nake nema duda a fahimtata bakima san ina yi ba, ke rayuwarki kawai kike, " Irin yanda take kallonsa ba ko kiftawa ya saka shi kara saka idannuwansa a cikin nata ya ce" Wai harda ce maki ki fito ki bashi nutsuwa?, da baki fito daga shagon Alhajin nan ba da sai na halaka shi, kina fitowa na shiga na biya du abinda kika kashe na nuna masa cewar matar aurece ke, hakan ya sa bai neme ki ba, aman baki dadara ba kika shiga motar tsohon nan har ya taba maki hannu, da baki fito a motar nan ba da ban san me zan maku ba!" Ya karashe yana mai cije lips dinsa na kasa irin abin ya masa ciwo sosai ya dora da fadim" Sai kika shirya ranar da zan hadu da ciwo irin naki wato huka ta hanyar gayato tsageran nan har fada, Beebah kika saka dinkin dake tona min ajiyata, kika ringa wasu abubuwan da suka kusan dauken numfashina dan kawai ki tada min hankali ina zamana ko tausaya min bakya ji ga rigimar gari ga ta cikin gida, ga kuma taki " Gaba daya wata mutun mutuni ce ta zama a kwoncen da take a jikinsa tana mai bin idannuwansa da lebunansa da kallo Baki daya komai ne ya yi mata nauyi harma ta rasa ta inda zata fara , da kyar ta iya furta" SHAHEED " SHAHEED ya kara sauke mata duban nan da ta yiwa lakabi da kallon tsana, a hankali ta dago hannunta ta kai wajen idannuwansa ta shiga shafa saman idon hakan ya sa ya dan lumshe su kafin ya kuma budewa ya kama hannun nata ya kai wajen bakinsa ya mana mata kisss mai zafi a kai A hankali ta ce" Ka min gwari gwari yanda zan fahimci yarenka, Shaheed wace irin shakuwa ce da saka abu a rai ta saka ka aikata haka? Wani irin nauyin baki ne ya hanneka tsawatar min?, Sai kuma ta kara sasautawa ta ce" zargin da kake min ba shine ya fi tsaya min a rai ba, dan kuwa zan iya cewa ko yayuna sunna min nasiha ne kawai, kasancewa mai fita nema a saloon wajen da ba abinda ban tatara ba, kawayen banzan ne, tarin yan daudun ne, yan bariki na bugawa a jaridar ne, uwa uba irin tarin samarina ya saka kowa ke min kallon na zubar, Aman Me ya sa ka