Chapter 79

cike da mamaki wai yau ita Abba Abu ke ba umarni har wani tafarfasa yake kamar d'anyar ganda. Daddy yace "nikam Maryam yaushe zakiyi hankali ki gane jiya ba yau bane? Maryam ki ma kanki fada? Kinsan wani irin danyen aiki kika baro mana kuwa? Wa ke takara da Nakowa? Wani me hankalin ne? Wato ke duk abunda ranki ya aiyana miki shi kikeyi ko? Ni da gidan nan bani da ikon sanin meke wakana a ciki? Sai da ta baci nakeji, Wallahi Maryam ki kiyayeni, ki fita idona". Ta inda daddy yake shiga ba tanan yake fita ba yana kai aya ya mike a fusace ya nufi bedroom dinsu. Tsoro ya darsu a Zuciyar Mairo, ko a shekarun baya da yake mata fada be mata irin wannan ba, sosai ta tsorata, k'aryarta ta k'are, things are falling apart, tunani kala kala a kwanyar kanta, saboda tsabar mamaki ko yatsunta kasa dagawa tayi balle ta iya cewa wani abun. Yanda taga Rana haka ta ga dare, kwatakwata bacci kauracewa Idanunta yayi, Abubuwa kala a ranta, ta kasa gane dalilin da ya chanza Daddy dare guda, Lallai reshe ya juya da Majuyi, wai yau ita Daddy ke daga ma Murya, har ya kirata da Sakarya,Tabbas dole ta tashi tsaye ta san abun yi tun kan dare ya mata, a dayan Bangaren karon farko da tsoron Haduwarta da Nakowa ya darsu a Zuciyarta, Daddy duk ya ruguza mata lissafi, bata san ya zata kaya ba, a kan Idonta aka kira Assalatu. ******* Sosai ta firgita da taji abinda ake so ta fada a Kotu, ta kalli Dad da Mom kafin ta kai dubanta ga Attorney dinsu, tace "Amma ba haka bane ba fa, ni da kaina na dauki Credentials din nan, na kai ma wani a waje, ya za kuce ince bansan da zancen ba?" Mom ta hau lallashinta tace "ita sam ba zata karyata Majeed ba" Dad yace "Nana, do you want to rot in Jail? In ba haka kikayi ba, za a saka ki a Prison kuma i cant save you, ina so ki ba Attorney Hadin Kai, zan sa a nemo mishi Credentials dinshi, zan bashi aiki, kuma zan rokeshi ya maidaki dakin ki, that is in munyi winning case din, others ba zaki koma dakinshi ba, kuma zaa kulle ki maybe life imprisonment" Sosai ta tsorata, bata son haka ya faru, bata son zama part of any of this, kawai tana so ta koma wurin Majeed dinta, a wuce gurin, a haka Dad dinta ya dinga dorata, da kyar da sudin goshi ta amince zatayi abunda suke so, haka aka dinga karanto mata Irin Shaidar da zata bada a Court Gobe. (Anzo gurin,daidai gurin, who is excited? Ghen ghen) KOTU Kotu ta cika ta batse da jama'a, kowa da zaman da yazo saurara, mafi akasari manyan Mutane ne abokan Huldan Hajia Mairo Da Alhaji Nakowa, kowa ya hallara, Nana ta k'i yarda ta kalli inda su Majeed ke kallo, a ka gabatar da Shari'ah, Ba tare da bata lokaci ba Alkali ya umurci Lauyan masu kara da ya gabatar da Majeed a gaban Kotu. Majeed ya fito jiki ba kwari, yau ko Breakfast beyi ba, tsayawa yayi inda aka tanada domin bada Shaida. Lauyan Alhaji Nakowa ya nemi da abasa izini ya yiwa Majeed tambayoyi, nan take Kotu ta bashi dama. Lauya Usman Baraji Me kare wadda ake k'ara ya fara jefa masa tambayoyi kamar haka: "Ko zaka iya fadawa kotu Sunanka, inda kake zaune da kuma Sana'ar ka? Jim Majeed yayi kafin yace, "Sunana AbdulMajeed Abba Abu, ni mazaunin garin Kano ne, a halin yanzu bana aiki Amma ni Architect ne". "Mallam AbdulMajeed shin menene Alakar ka da Wacce ake kara?". Majeed ya hadiye miyau din takaici kafin ya amsa da; "Matata ce a da amma yanzu babu aure a tsakanin mu, ba ma tare". Lawyer ya sake jefo mai tambaya"Wacce take k'arar fa ko menene Alakar ka da ita?" A takaice yace"Mahaifiya ta ce". Barrister Usman Baraji ya karanto ma Majeed k'arar da Mahaifiyarshi tayi ya tambayeshi "Mallam AbdulMajeed muna so ka gaya ma Kotu, shin wannan bayani da na maka haka yake?". "Eh ya mai sharia haka abun yake, babu tangarda a bayanan da mahaifiyata ta ba ma Kotu". Barrister Usman Baraji yace "tsakani ga Allah kaga Lokacin da Nana Nakowa ta daukan maka Credentials ta ba ma wani?" Majeed yace "Aa bangani da ido na ba, amma da bakinta tace ita ta dauka". Barrister yace "tambayar itace Kaga Lokacin da ta dauka da Idonka?" Majeed ya hadiye miyau yace "Aa bangani ba" Barrister yace "Kaji Audion da ake ikirarin tayi a cikin Maye?" Majeed yace "Eh da kunne na naji". "Mallam AbdulMajeed Kotu tagode da wannan shaidar da ka bayar zaka ka iya zuwa ka zauna har sai an sake buk'atar ka." Yayi Godia ya juya ga Mazauninshi. Barr ya maida dubanshi ga Alk'ali yace " Ya Mai girma Mai sharia, a report din da muka samu, sun nuna mana tambayarta yayi wata ba ma Takardunshi, k'ilan ta tsorata da wani abu ne ta amsa abunda ba tayi ba, sannan kuma maganar Audio dinnan, muna so a sanya ma Kotu taji, Nagode Ya Mai girma Mai sharia ". Alkali ya juya kan Lauyan Mairo ya umarce sa da ya gabatar da shaidunsa. Lauyan Mairo ya mike cike da isa ya ce "Ya Mai Sharia, Shaidar mu Kenan AbdulMajeed, kuma ya bamu tashi Shaidar, shikenan shaidan da mu ke da". Cikin zafin rai Mairo tace "wani irin shikenan Barrister Khalim? Ina audion? Ka musu Playing". "Wani Audio kenan Hajiya"? "Kutumar Babba burauba! yau akeyin ta, Bar khalim bansan wasan banza dana wofi, Audion da na tura maka lokacin da nazo Office dinka, nace maka Alhaji Nakowa ya sa anyi Attacking Aliyu Abokin Majeed an goge Audion, don kar a samu matsala na zo har Ofishinka na tura maka?" Barrister Khalim yace "Aa Hajia Mairo, i dont know what you are talking About, ni baki turo min ko wani Audio ba". Wani tsallen da Hajia Mairo tayi sai da ta chakumo wuyan Barrister Khalim, tace " Ni zaka mayar 'yar iska? Kaika Nakowan ya sayeka ko? To wallahi baka isa ka mayar dani mak'aryaciya ba" Alkali ya tsawatar ma Mairo, yace "ta yi taka tsantsan da yanda take gabatar da kanta a gaban Kotu, Kotu ba zata dauki wulakanci da shashancin banza, Kotu ta ma Mairo gargadi da Babban Murya. Mummy tace " Ayi Hakuri Ya Mai Sharia, raina ne ya baci, amma ba matsala in shi ya sayar da Audion, ni ban sayar da nawa ba, yana nan cikin Wayata" Alkali yace "ta gabatar da Audion gaban Kotu" da Murmushi tace "Minti daya" ta koma gun zamanta ta bude Jakarta ta ciro Wayarta ta hau latselatse, kusan mintina 5 shiru, take zufa ya hau ketowa Mairo audio dinnan ko sama ko kasa ta rasa shi a wayarta. Da sauri ta kalli direction din da Alhaji Nakowa yake, watsowa mata mairo murmushin mugunta yayi, zufa ya shiga keto mata, ta san k'aryarta ta k'are, a hankali tace "Yau ake yinta" wurin Barrister Khalim ta nufa, tace "Bar Khalim kai wa girman Allah ka bada audio dinnan, kayi hakuri, i'll pay twice what they paid you". Barrister