Chapter 33

Zaineema ta nufo ta a guje, ta rungumeta tare da fashewa da wani irin kuka mai tsuma zuciya. In hankalin Hajiya Mairo yayi dubu to ya tashi, jiki har ya fara rawa, Rayuwarta, bata son kukan Yaranta, bata son tashin hankalinu, tana mamakin me ya sa Zaineen ta kuka, tana tunanin irin hukuncin da zata ma duk wanda yayi sanadiyar zuban hawayen diyarta, jikinta har rawa yakeyi, "Zaineema, kiyi shiru ki gaya min waya tabaki, me aka miki?" cikin Kuka Zaineema tace "Mummy, Khaleed ya sakeni"聽 ta sake fashewa da wani kukan. Mairo ta lailayo ashar ta zuba, tace "da kika mishi uban me? Sai da ya maidaki bazawara zaice ya sakeki? To wallahi ba zaiyiwu ba share hawayenki" hayagagan da Mairo keyi ne ya fito da AbdulMajid da Nana, ganin Zaineema na kuka suka ci birki Gabansu, AbdulMajid ya juyo da ita gabanshi yace "Zaineema meya faru? Me aka miki? Ko wani abun ya samu Khaleed ?" karaf Mairo tace "ai dama wani abu ya samu shegen, wai mu zai tonawa asiri, sakin Zaineema yayi" AbdulMajid ya doka salati, me kika mai Zainee?" Mummy cikin hasala tace "mai ko zata mai? Ya gama cin moriyar ganga mana, wallahi sai naci mutuncin Khaleed, sai na watsa shi, sai na mai abunda zaiyi nadaman furta kalmar Saki ga Zaineema". AbdulMajid yace "Mummy Calm down, ki bari ayi komai a tsanake, ba mu san me ya hada su ba, ke Zaineema, me ya hada ku daga komawanki聽 Kaduna Sunday?" kasa magana tayi, Mairo tace "yo me ko zata mai, ita da ta koma jiya, kuma tace ko da ta zo biki bai gari? Me zata mai? Ko don abokinka ne?" Majeed bai kulata ba ya kalli Nana yace "take her to her room" Nana ta ja k'awarta sukayi daki. Majeed ya bar Mairo sai huci take tayi, ya latso numbern abokinshi Khaleed har ya gama ringing be dauka ba, kafin ya sake wani kiran, wayan Daddy ya shigo wayarshi, a ladabce ya dauka da Sallama, daga bangaren yace; "Waalaikum Salam, Abdulmajeed, ina Mummynku ne?" AbdulMajid ya sa wayar a handsfree yace "gata tana jinka" yace "Maryam, kudin da Alhaji Nakowa ya kawo shekaranjiya nawa ke ciki?" Mairo cikin damuwa tace "inajin Miliyan 20 ne, ya akayi?" yace "Fanaz Ventures suke so a raba shares din Abba-fanaz Shares, zasu saida ne saboda wani emergency, shine na ga why not mu siya shares din, sai mu zama mallakin joint stocks din duka?" Mairo tace "hakan ma yayi" yace "ai ba a kai ga kai kudadden nan bank ba ko?" tace "da yanzu nake shirin zuwa" yace "good, yanzu AbdulMajid ka kawo min Kudin Office". AbdulMajid yace "to Daddy" Mairo tace "Kudin ma nan cikin store din dakina" Abdulmajeed ya wuce daki, Mairo ta cigaba da cewa "Daddy Akwai Matsala" yace" Subhanallah Maryam, wata irin matsala kuma?" "Khaleed ya tona mana asiri, ya saki Zaineema" Salati Alhaji Abba yayu,yace "mai ya auku?" tace "koma meye, zan bashi mamaki" yace "Aa Maryam, ki bari ayi komai a tsanake, barin gama da Office inzo, sai muji ta bakinsu, ba zai gagara ba sai a shirya tsakaninsu" kafin tace wani abu AbdulMajid ya baiyana yace "Mummy ni ban ga wani Ghana must go ba" dam gabanta ya buga, tace "yaro yana nan a cikin store din, da hannuna na sashi a ciki" Majeed ya koma chan kuma ya sake dawowa, yace "ba fa ya nan, maybe kin kai Office din Daddy" da mamaki, jiki a sabule tace jeka chan din ka duba, ba wai don ta yarda ta kai chan din ba, da azama ta nufi store din dakinta, taga Wayam, ba ghan must go, daga kai din da zatayi taga wayam, ba Jewelry kit dinta, ta duba ta duba ba Akwatin Sark'okinta,nan da nan ta rude ta fita hayyacinta,a sama taji muryan Majeed yace "Mummy ba komai har a office din" Mairo tunani ta shiga yi, kwatakwata ta dauke dif, bata gane komai,kanta na wani irin sarawa,tabbas an shigo gidan nan an yashe su, nan ne maajiyarta, komai dinta na store din nan, zuciyarta ta amince da Barayi sun shigo gidan, "Inalillahi wa ina ilaihir rajiun ta furta a hankali" kamar wacce aka tsikara,ta zaburo a guje ta fada Office din Daddy, gun safe dinshi ta nufe, ta bude, Wayam taga Cikin safe din, Shikenan ta faru ta kare, wani irin zufa ya keto mata, fincike dankwalinta tayi, ta sa hannu cikin gashinta ta yamutsashi kamar tababbiya ko da yake dakyar ne in ba ta tabu ba, AbdulMajid da ya bkyota ciki yana kallonta yace "Mummy? Daddy ya dau documents din cikin ne, naga safe din Empty?" kamar ta6a66a tace "Yaro, sun yashe mu, sun watsa mu, wallahi sun kwashe komai, shikenan ta mu ta samemu" kamar daga sama sukaji Muryan Nana na cewa "Ashe Zaineema kwarto Khaleed ya kamata dashi a daki shiyasa ya saketa" kamar an聽 tsikara Mairo ta sa hannu akai ta kwallara ihu, kafin Majeed yayi wani yunkuri tuni Mairo ta arta a guje, bata ganin gabanta, ita dai gudu takeyi, daidai Staircase tayi wani tumbling, ta dinga gangarawa har sai da ta ci karo da bango, nan take ta fara b'ulbular da Jini, da k'arfi Majeed yace "Mummy". Bibilicious lovers, ga Babi na sha hudu? Kar fa kuce Mairo bata baku tausayi ba, dandan, nidai ta ban tausayi, bari maga su wa zasu tayani yi mata kuka. Vote Vote and Vote Please. #1love #ADAY #bibiliciousfreakingfans #anatare #nagode Biebee Isa [12:07, 25/09/2017] 鈥�+234 803 414 9368鈥�: 锟斤拷A DADE ANA YI....sai gaskia锟斤拷 NA BIEBEE ISA 庐NAGARTA WRITERS ASSOCIATION (NWA) Wattpad:@biebeeisa Pg1鈨�5鈨� Cike da tashin hankaki, Majeed ya dinga harhada stairs bibiyu ya sauka ga Mummynsa, gabaki daya ya tallafo ta jikinshi, bai damu da jinin da ke 6ata mishi kaya ba, hawaye yakeyi, ganin Mummy bata Numfashi ya sa hankalinshi tashi, Zaineema da Nana suka karaso gun, sai ihu suke tayi,tuni Majeed ya daka musu tsawa, yace "ku mahaukatan ina ne? Mtsww, Nana je ki ki fiddo mota ki matso dashi k'ofa, Zaineema, get Dad on the phone" ba su bashi amsa ba kowa tayi yanda yace, Majeed daurewa kawai yakeyi, yana kiran "Mummy stay with me please" Chak ya dauketa ya fita da ita, daidai zuwan Nana da Mota baya ya saka Mummy, Nana ta shiga ta ja Motan, Majeed yace "Zaineema ki jira zuwan Daddy". * Emergency aka karbi Hajia Mairo, likitoci ne tsaye kanta, da k'yar suka samu suka tsaida jinin da ke zuba a goshinta, Jini dai ya zuba sosai, Majeed ya rasa gun zama, yayi na yayi chan, sai safa da marwa yake tayi, Nana tayi k'okarin kwantar mai da hankali, amma ya k'i yarda, daidai nan Daddy da Zaineema suka k'araso, a reception suka iske su, Duk suka bi sahu, chan Dr ya fito hankali a tashe duk sukayi kanshi suna tambayan ya take? Cike da jimami yace "I'm sorry, theres nothing we could do,we lost her" Zaineema ta zabura a guje tayi dakin da taga Dr ya fito, Daddy duk yabi ya rude,ya fita hayyacinshi, jikinshi rawa yake, hawaye na bin kumatunshi, Yana Son Mairo fiye da Rayuwa da kanta, ina amfanin rayuwarshi in Mairo bata ciki?. Bakin Majeed bai fasa kiran Allah ba, "Inalillahi wa ina