Chapter 153

ta nufi dakin me aikin ta bude taga babu komai nata ta kwashe sai tarkace kawai. Fitowa tayi ta nufi dakin Mimi ta duba taga duk an yamutsashi an kwace sarkoki da wasu abubuwan harma da sitirarta aka kwasa. Numfashi me dumi ta sauke ahankali tanajin jikinta na sanyi sbd ta fahimci abinda ya faru matar ta gudu kenan sbd kudin. Palo ta dawo kafafunta na sagewa ta zauna tana tallafe fuskanta da tafin hannuwanta. Batasan matar na son kudi ba da zata siyar da abubuwa da dama ta bata kudin sbd ta zauna da ita ta sabu da ita a yanzu kuma ta sake komawa ita kadai a rayuwarta me aikin ma datake tayata quntacciyar rayuwarta ta gudu ta barta. Ta dade a gurin zaune kafin ta miqe ta nufi daki ta sako hijab ta fito ta fita gidan a hanya taje ta siya abinci ta xauna cikin mota tana ci tana jin kaman zai shaqeta ta mutu sbd kwata kwata ba abinci ne a rayuwartaba kawai cikinta takeson abincin ya shiga sbd kada ta rasa karfin tsayuwa da kafafunta ta taimaki iyayenta. Wani abincin ta sake siyowa ta dawo dashi gida ta bawa me gadi kudi shima tace ya ringa cin abinci. ********Sati Biyu da tafiyar me aikinta tana kokarin fita da safe motocin jamian tsaro suka iso gidan tareda zungureriyar takardar karbe komai na Zaadens komai da komai hatta siritar sakawansu sbd zaa fara shariarsu dan haka ana buqatar dakatar da komai nasu har sai yanda shiriar ta kaya dan anason kaf rayukan da suka dauka sai anbiya diyyarsu me girma. Zamewa tayi jikin bango tana rintse idanuwanta da kuka ya qafe musu tana sauke numfashi tareda ambatar sunayen Allah a cikin rant. Da kansu suka shiga suka rufe koina ita kadai aka bari ta dauki kayan sakawarta a cikin yar qaramar jaka ta fito suka karbe keys na duka motocin gidan ana rubuce rubuce da daukan hotinan komai. Dakin me gadi da aka sallama take aka bata damar zaunawa har a gama komai ita duk bata damu da wannan ba nutsuwa taji tana samu na fito da iyayenta da zaayi a fara shariar sbd tasan a wannan lokacin Allah ne kadai yasan irin azabar da suke cikinta. Washe gari tinda safe ta shirya da dan sauran canjin dayake hannunta ta fito dakin me gadin tareda rufe kofar dakin ta fice gate ta rufesa shima tafara tafiya me dan tsayi sosai kafin ta samu abin hawan dazai kaita inda daga karshe aka sanar da ita suna can bama a cikin garin abuja bane fita akai dasu. Headquarters din da zaa taho dasu ta nufa tana isa sauka tayi ta nemi guri ta rakube ta zauna tana jiran a iso dasu. Tinda ta iso ake kyararta ana mata wasu tambayoyi masu ciwo da wulaqantawa bata cewa komai sbd jikinta rawa ma yakeyi na tsoro amma kuma zuciyarta ta riga ta bushe ta kafe akan ahalinta dan haka ta kasa bari tsoronta ya rinjayeta ta gudu daga gurin. Zaman awa daya tayi idanuwanta duk sun qanjame bakinta ya bushe zuciyarta harbawa takeyi sosai tana zubawa hanya ido., Kunnuwanta ne suka fara jiyo mata jiniya wadda ta saka yan media dake boye fitowa da yawansu suna cike kofar shiga gurin da yan kallo sosai harma da yawa daga cikin familyn wainda aka kashe nasu na nan Nigeria sbd an bayyanarda da sunayen wasu daga cikinsu sosai a yanda labarin ke yawo.. Miqewa tayi tsaye tana fitowa inda ta rakube kanta bugun zuciyarta na tsananta tana kafe motocin da idanuwanta har suka tsaya aka bude bayan motar prison din, Dr Ken ne wanda ya rasa kafarsa daya aka fara fitowa dashi gabaki daya kammaninsa sun sauya ya koma kamar mahaukaci idonsa daya ya tsiyaye. Dauke idaniwanta tayi akansa sbd bashi take buqatan gani ba, Ammar ne na biyu wanda yanda ya koma ya sakata yin baya tana neman faduwa zuciyarta na kasa dauka sedai kafin ta ja wani numfashin aka fito da Dad dinta wanda ta ambaci sunansa da karfin gaske tana yi kansa da tsananin gudu wanda ya saka duka jamian tsaro da yan media dawa da kallansu akanta hakama kafin jamian tsaro suyi yunqurin tareta da sauri tini ta isa kan mahaifinta ta fada jikinsa da karfin gaske sukai baya zasu zube sbd baida karfi ko kadan Ammar dayake tsayuwa da qyar da sauri ya tsaya bayan Dad din yana taresu ta qamqame dad da wani irin karfin gaske wanda shima duk da baya gani sosai sbd azabar dasuke cikinta wata irin runguma yayi mata me karfin gaske yana cewa "Jannah kece????? Qanqamesa ta sake yi da karfin gaske tana ambatar sunansa kawai zuciyarta kaman zata tarwatse a gurin ta fasa wani irin kuka me tsanani karfin gaske tana kiran sunansa kawai bata iya cewa komai tana jin kaman Allah ya dauki ranta a gurin a jikin mahaifinta. Shi kansa da baya ganinta sosai qanqameta yakeyi yana ambatar sunanta hannuwansa na tsananin rawa bakinsa ma na rawa.. Ammar ma juyawa yayi yana kasa kallanta kuka me karfin gaske yana zuwar masa kaman yanda Maheer ma kasa kallanta yayi kansa n qasa idanuwansa sunyi jajir. Securities mata aka kira da sauri suka fito aka fara banbareta daga jikin dad dinta ta sake qanqamesa tana qin sakinsa tana tsananta kukanta tana kiran sunansa. Kasa cireta daga jikinsa akai zuwa lokacin shima kukan yakeyi sosai sbd gabaki daya zuciyarsa matacciya ce akan 'yarsa.. Dukanta Securities din suka farayi tana qin sakinsa dan haka suka fara tsanantawa Ammar ya juyo da saurin yana rufeta jikinsa hakama Maheer dad ya rufe wanda shima ake dukansa sbd rufesu da duka akai ana kokarin rabasu jannah na sake riqe dad din wanda yake banbareta da jikinsa shima sbd a dena dukanta. Ba tausayi aka rufesu da duka gabaki dayansu dan haka Dad ya saka karfinsa ya cinketa daga jikinsa akai saurin riqeta tana zubewa qasa cikin tsananin kukan dayake neman qare mata tana rintse idanuwanta bakinta na fidda jini. Jansu akai zuwa ciki da karfi kowannensu bakinsa da hancinsu na fidda jinin dayake kona zuciyarta yana kasheta ahankali. Sai alokacin aka fito da Anny da dr Abraham wanda zaa miqa kasarsu acan xai karba nasa hukuncin sbd acanma sun kashe rayuka akai ciki dasu Anny bata iya ko tsayuwa sbd daurin dayake hannuwa da kafafunta. Ana shigewa dasu aka saketa tareda barinta zaune a gurin tana kukan da babu sauti sai numfashi kawai. Duk yanda taso sake ganinsu baa bata damaba dan haka a gurin ta wuni sai dare ta koma gida zazzabi me karfi na cinta. Kwantawa tai kawai bata iya komai sai jikinta dake rawar zazzabi har wani azababben bacci ya dauketa a gurin. Tsakiyar dare cikin bacci taji motsi a kofa ta bude idanuwanta ahankali daqyar sbd nauyinsu ta motsa tareda dafawa ta tashi zaune ta miqe tsaye tareda nufar window datake jin motsi kullum tinda ta dawo kwana dakin kullum tana jin motsi kaman akwai wanda yake kwana kofar dakin dan haka yau bude window tayi kai tsaye. "SALEEM" ta furta cikin tsananin sanyi da mutuwar jiki tareda kasa yadda da abinda idanuwanta suke nuna mata. #MAMUH ZAFAFA BIYAR KALBIM 500 mamuhgee A DUNIYATA 500 Huguma AJIYA A DUHU 500 Billyn Abdul