Chapter 243

biki ake kanyi gidan gaba d’aya a cike yake da bak’i.. Amaren gaba d’aya suna a nasu d’akin da aka ware dan shiryasu nan Sashen Inne dake Abuja kafin Su d’aga Fufore next week. Sai zolayan Ajidde suke zata tarkasa ta tafi Turai susha iska da shak’iyancinta. “Ni fah wllhi ba zuwa turai d’in bane kaje kaga ‘Yaniskan turawa..” Ajidde tace tana rapka uban tagumi. Suka dara kafin Meema ta d’anyi shiru cikin sanyin jiki dan sai ta tuna Addah Feenanta sanda sukaje Fufore Ajidde tace ta kama Safeenar da Mu’azzam suna sumbatan juna Wai abinda ‘Yaniskan turawa keyi ba tareda tasan mijinta bane. Ajidde ma sai tunanin abin ya fad’o mata Ta d’an dafa Meema tace “Allah Sarki Safeenah.. Kema kin tunata koh..?” Meema ta jinina mata kai a hankali tana goge k’wallan da suka ciko idanunta. Lokaci guda ta murmusa tace “My Addah Feenah.. Ina missing d’inta sosai..” Ajidde tai k’ok’arin maida k’wallarta itama kafin tace “Kiyi hak’uri Meema kiyi mata addu’a duk sanda kika tunota.. Allah ya gafarta mata mu kuma idan namu yazo yasa mu cika da imani.” Meema ta amsa da Ameen. Daidai lokacin Sadiya da bata jima da ficewa ba ta shigo rik’eda little Feenah. Aiko yarinyar tana ganin Meema ta soma d’ago mata hannu alamun tana so ta amsheta. Nan Ta tafi da sauri ta amsheta tana cillata sama yayinda Sadiyar ta kuma ficewa. “Oh my Adda Feenah dole a bani Ke mu tafi Katsina tare.” Meema ta fad’i haka tana cilla yarinyar kasancewar Ameer d’an Katsina ne. Ajidde tai karaf tace “Tabb waye zai baki Jewel d’in.. Badai Kofur Zalimu ba dan wann yarinyar zuciyarsa ce.” Sadiya da waya Ke mak’ale kunnenta lek’owa tai ta dubi Ajidde tace “Gashi a waya yana jinki maimaita..” Ai tuni Ajidde ta soma sakin salati tana fad’in ta shiga uku.. A d’ari ta duk’a saman gwiwoyinta ta bud’e murya tana fad’in “Yaya wllhi na tuba.. Na rantse da Allah ba dakai nake ba.. Da Kuran tashe nake..” Musaddiq ne ya lek’o ya wani tsime yana fad’in “K’aramin danganki ko.. Zaki maimaita ne yarinya idan muka haye gajimare.” Inne ta k’araso tana janye Musaddiq had’ida kamo kunnensa kad’an “Wann wane irin ango ne ni Mairo.. Wa ya gayyato ka nan..? Shige muje.. Kar na sake ganinka a nan har mu bar garin nan..” Musaddiq ya saki k’ara yana kame kunnensa da Inne ta kame. Haka sukaita dariyar Musaddiq da Inne har suka fice. ** A can FCID kuwa Zaune yake cikin sabon ofishinsa wanda ya kasance Ofishin Chief Jaja a baya. Ya soma bud’e wani magazine nasu na Yansanda wanda aka raba masu a wani babban taro da suka gudanar , ciki harda hoton Chief Jaja Yusuf da kuma Maleeka. Dukansu dai gasu nan Sun bayyana cikin magazine d’in. Ya k’urawa magazine d’in idanu yana tuna gwagwarmayar da suka faru a baya, yau babu Chief Jaja babu Yusuf snn babu Maleeka... Yaita tuno abubuwan da suka faru, gwagwarmayar da suka kwashe taredasu Jaja harma da Yusuf da Maleeka wacce itama Ta zama victim na Mommy da Danger.. Ya furzar da huci a hankali yana mai shafe fuskarsa da tafukan hannayensa. A haka Assad ya k’araso ya samesa, ya sara masa yana mai mik’a masa report na new case d’in da suke handling wanda Mu’azzam d’in Ke jagoranta. Assad ya sauk’e idanunsa kan magazine d’in wanda aka raba masu Yansanda a wani taro na musamman da suka gudanar. Dukansu suna sanye cikin Uniforms d’insu fuskokinsu cikeda annashuwa had’ida burin serving k’asarsu da Al’umman cikinta.. Assad ya d’an girgiza kai yace “Kalli fuskokinmu, ko wanne yana cikeda Farin ciki da burin bada gudumawa ma k’asarsa da Al’umman cikinta.. Saidai kash zuciya takan rinjayemu a wasu lokutan Ta sauya mana akalar tunaninmu har mu aikata aiki irin na danasani.. Allah yaci gaba da cire gurb’atattun Jami’an tsaro cikinmu domin kawo sauyi a k’asarmu baki da Al’umman cikinta. Mu’azzam ya amsa da Ameen yana mai rufe mujallar. Hakan yai daidai da na rufe nawa Labarin mai taken GIDAN ARO. ALHAMDULILLAH! _A nan na kawo k’arshen wann labari mai taken GIDAN ARO. Kurakuren dake ciki Ina rok’on Allah ya yafeni. Fad’akarwan dake ciki Ubangiji ya amfanemu dashi baki d’aya. Ameen thumma Ameen.!_ _To all my fans, na gode na gode matuk’a da nuna K’aunarku gareni.. Rabbi ya bar k’auna yasa mu gama da GIDAN ARO lafiya.. Ameen thumma Ameen. Sameena Ke maku fatan Alkhairi!_ SameenaAleeyou📚