Chapter 200

da rawa tana ci gaba da furta “Ibrahim bai kusanceni ba sabida k’arancin shekaru na yaci gaba da bani kula irin wanda ya kamaceni musamman a b’angaren karatuna na boko da Islama. Har sai lokacin da na kai matakin cikakkiyar budurwa wacce komai na matantaka ya bayyana jikina wacce zan iya d’aukan d’awainiyar d’ah namiji kafin ya soma kusantana a matsayin mijina.. Ibrahim shine uwana Larai kuma shine Ubana.. Ya mun komai a rayuwar nan.. Amma nazo na masa butulci na raina arzikinsa.. Na had’u da k’awaye da suka hure mun kunne cewa yanda nakeda kyau nafi k’arfin ajin Ibrahim.. Dan da na k’ara girma sai kyauna ya kuma bayyana.. Naita shek’a masa rashin mutunci ko zai gaji ya sakeni amma bai sakeni ba a cewarsa ko mai zan masa ni d’in amana ce a gareshi.. Sann ba kyaun halitta na bane ya rud’esa dan tun bansan kaina ba yake k’aunata.. Kuma ni amana ce a gareshi.. A haka har na saduda na dangana lamarina ga Ubangiji nace tawa k’addarar kenan zan k’are da wahalan auren talaka bayan tulin iftila’ain da na fuskanta a rayuwa, koda na haifi Sadiya sai na k’udiri niyyan d’iyata bazata auri Talaka kaman yanda mahaifiyarta ta had’u da k’addaran auren Talaka ba.. Nasan zafin talauci da rashi Larai nasan wahalan da muka sha a rayuwa sabida rashin gata a lokacin da nake cikin jinya, amma na mance komai Allah keyi.. Komai muk’addari ne daga Allah.. Sann lafiyar da Allah ya bani bayan na shafe lokaci Ina jinya.. Larai inaji ni ce sanadiyar da yasa na rasa ‘Yaruwata domin kuwa Ta dalilin jinyana muka rasa komai namu har muka tsinci kanmu hannun ‘Yan ta’addan nan.. Kaicon zuciya maras godiya..! Kaicona.. Kaicona Larai.. Ni ce na hure ma Sadiya kunne da San abin duniya.. Na nuna mata mahaifinta baya dashi.. Alhalin Ibrahim shine mutumin da yamun arziki a rayuwa.. Shin Larai ta yaya zanga da kyau a rayuwa.. Mutumin da ya mun wann irin sadaukarwa Larai.. Zan jima Ina jin ciwon abubuwan da na aikata masa..!” Kuka mai k’arfi ya kufce mata.. Aunty Larai ta rungumeta tana kuka itama cikeda tausayawa. Sadiya dake lab’e jikin k’ofa taji labarin da mahaifiyar nata Ta sanar da Aunty Larai wani irin kuka itama Ta fashe dashi tana mai silalewa saman gwiwoyinta... SameenaAleeyou📚 *GIDAN ARO* *73* *©️Sameena Aleeyou...✍🏽* Umma da Sadiya suka kifa kawunansu suna kuka mai ban tausayi Aunty Larai na tsakaninsu na matsan k’walla dan itama Ta kasa tsagaita nata kukan balle Tai tunanin dannarsu.. Allah sarki rayuwa, a wann ranan Sadiya Ta kuma yin kukan rashin mahaifinta, a ranan taji sadaukarwan da yaiwa mahaifiyarta, mutuwar Abba Sai ya dawo masu Sabo. Haka suka sha kukansu gwanin ban tausai. Sadiya da kanta ke bisa cinyar Umma taci gaba da shafa kan Sadiyar a hankali tana fad’in “A lokacin da aka haifeki sai Abbanki ya bani zab’in sunan da nake so a saka miki.. Ni kuma na sanya miki sunan ‘Yaruwata Halimatu..” Sadiya ta murmusa kad’an wasu hawayen suka gangaro mata “Zanso na ga takwarata.. Zanso naga wann ‘Yaruwar taki da tayi sadaukarwa mai girma ma ‘Yaruwarta.. Da ace zan ganta da na mata godiya mai yawa.. Allah sarki da ita da Abba duk sun tafi sun bar duniya.” Umma ta jinjina kai tace “Maraicin rashin Ibrahim harda ni ya shafa domin kaw shine gatana ya d’aura kula dani daga yanda ‘Yaruwata ta tsaya.. Ubangiji ya gafarta masu kurakurensu ya kyautata namu bayan nasu.. Halinsu na k’warai ya bisu.” Sadiya ta amsa da Ameen tana mai kuma lumshe idanunta. Tabbas Sadiya ta kuma yarda ba tarin dukiya bane jin dad’in rayuwa, samun mutanen kirki masu k’aunarka tsakani da Allah a rayuwarka shima wani babban arziki ne.. Wadatar zuci da kwanciyar hankali shine babban arziki a rayuwan duniya. ** FCID Chief Jaja sai sakin huci yake shi kad’ai cikin interrogation yana furta “Damn it..! Damn you Mu’azzam Gamji..!” Daidai lokacin Mu’azzam ya turo k’ofa ya shigo hannunsa da aka harba lank’aye cikin Arm holder, yai tsaye yana k’arewa Jaja Kallo yayinda Jajan ma ke dubansa. Hannunsa mai ciwo lank’aye yake nufo Jajan, still bai janye idanunsa daga duban Jaja ba, duk tulin abubuwan da yai masa kurum yake tunawa harda suspending d’insa da yasa akai.. Wasa da hankalinsa da ya dinga yo da kuma cin amanan k’asa da aikin D’ansanda da yai.. Assad na biye dashi suka shigo kan Jaja. Daga Mu’azzam har Jaja fuci suke suna duban juna.. Kan kace mai Mu’azzam ya dunk’ule hannunsa ya kaima Jaja wani irin naushi wanda saida yakai Jaja k’asa dukda cewa ba k’oshin lafiya bane dashi sabida hannunsa da harsashi da huda wanda ke lank’aye cikin arm holder. Assad yai saurin rik’o Mu’azzam yana k’ok’arin janyesa. Jaja ya kifa kansa jini na fitowa daga hancinsa da bakinsa. “I told you so.. Kafin kaga bayana sai na gama da kai Jaja.!” Yai maganar yana jinjina kai a hankali kafin ya turama Jaja kujera da k’afarsa yace “Tashi ka zauna kuma ka amsa mun tambayoyina dalla dalla..!” Ya k’arashe yana mai zama gaban teburin da ya raba tsakaninsu. Jaja ya d’ago kai yana murmusawa, a hankali murmushin nasa take juyewa zuwa dariya.. Yana dariya yana nuna Mu’azzam da yatsa ga jini dake fitowa daga hancinsa zuwa bakinsa “Don’t delude yourself Inspector.. And Stop acting like a Hero dan babu abinda zaka cimma a binciken da kake.. Sann bakada hujja da zaka ce inada connection da case d’in mutuwar ‘Yaruwarka.. Baka da shaida akaina. In fact baka kamani tareda Danger ba. I can still deny that in court.” “Shut up you Bastard.!” Mu’azzam ya katsesa da fad’in haka yana mai buga teburin da ya raba tsakaninsu kafin yaci gaba da fad’in “Zaka amsa mun tambayoyi na and kasan menene Jaja.. Zaka k’are miserable life d’inka a gidan yari.. Bazan gajiya ba sai na tabbata ka tafi gidan Yari for the rest of your miserable life.” Ya gyara zamansa kafin ya soma fad’in “Tell me how are you connected to Danger..?” Chief ya murmusa yana duban Mu’azzam kafin ya tab’e baki yace “Ban sanshi ba, hasalima baka kamani tareda shi ba.. Dan haka bakada hujjan da zakace ni inada alak’a dashi..” Ran Mu’azzam yakai k’ololuwa wajen b’aci ya yunk’ura zai kamo wuyan Chief amma sai hannunsa ya gauce, ya rintse idanunsa yana mai dafe wajen ciwo. Chief ya murmusa kafin yace “If I were you da jinya ka tafi gida kai, ka samu hutu ko zaka samu energy na kamo masu aikata laifi..” Bai shiru ba Mu’azzam d’in ya damk’o wuyansa da hannu guda dudka zogi da ciwon nasa ke masa lokaci guda yake furta “And if I were you, I’d cooperate dan baka da wajen gudu Jaja.!” Ya k’arashe yana mai turasa da k’arfi. Ya kuma daidaita zamansa kafin yace “What do you know about Black African Team.. Mai ka sani gameda wann Syndicate d’in.?” Ya d’an kuma gyara zamansa yana mai ci gaba da fad’in “Wanene Boss d’inku Ina nufin BAT..? The word BAT yana referring Syndicate d’in ne ko kuwa yana nufin Boss d’inku ne..?!” Jaja ya kuma murmusawa kafin yace “Black African Team.. Wane Syndicate ne wann..? I don’t know what you are talking about Inspector.. Ya kake kauce hanya kai d’ayanka. Do