Chapter 192

min.. Allah sarki gashi da yake yaron kirki ne bai makani a kotu ba balle ya kulleni..” Kiki ta jinjina kai tace “Shiyasa nace miki har yanzu kallon uwa yake miki Mommy, da ace ya daina ganin girmanki da tuni ya kulleki a cell.. Yanzu ma ko kince Addah Feenah ta koma gidansa ne bazai ce komai ba nasan bazai so Inne tasan ya abinda ya samu cikin Addah Safeenah ba balle har Ta fahimci asibitin mahaukata aka kaita.” Mommy ta jinjina kai tace “Haka ne Karima.. Muje ko Allah shi miki albarka.” Kiki ta murmusa kafin ta d’an rungume hannun Mommy guda b’angaren jikinta kafin suka nufi sashen Inne da aka gina mata a cikin gidan. Suna isowa suka tadda kaf d’insu suna Parlorn, Daddy Uncle Salman Mu’azzam harma da Musaddiq. Inne na zaune daga tsakiya saman kujerarta da akasarin lokuta take zama bisa. Duba d’aya zakaiwa Mommy ka fahimci jikinta a matuk’ar sanyaye yake. Ta saci duban Daddy da Mu’azzam taga irin kallon da suke aikata mata musamman Daddy. Amma abinka da gogaggiya sai tai k’ok’arin saita kanta kaman dai babu abinda ke wakana.. Nan ta shiga gaida Inne tana mata sannu da zuwa cikeda ladabi kaman dai yanda ta saba harda cewa batasan tana tafe ba da an girka mata abincin da tafi so. Inne tace “Yanzu ma bai b’aci ba Hajara Kinsan ni bana son abincin nan naku wanda banda ganye babu komai.. Mutum yaita tura ganye zallarsa a cikinsa saikace tsutsa, Yo ganye ya wuce zogale ai ba ganye bane..” Mommy sai murmusawa take kanta a duk’e tana fad’in “Babu komai Inne yanzu za’a shiga kitchen a girka miki naki..” Ta k’arashe maganar tana mai tambayar Inne “Ya kuka baro can gidan.. Ya Aunty Nuratu kuma da jiki..?” Da tsananin mamaki Mu’azzam ke duban Mommy yana jinjina makirci irin nata, matar da ta turata a bata maganin ‘yanrufa ido shine yanzu take tambayar k’arfin jikinta. Bai ma iya sauraron amsar da Inne ta bawa Mommy ba banda kallon mamaki da yake binta dashi baya iya komai, baya fata Inne ta fahimci wani abu sabida kar hankalinta ya tashi, a dole yai k’ok’arin saita kansa. Muryar Inne ya sinkayo tana tambayar Mommy ina Safeenah taga kowa bata ganta ba. Mommy ta d’ago ta dubi Daddy dake aika mata mugun kallo kafin ta d’an saci duban Mu’azzam wanda shima d’in da gani kasan k’ok’arin danne kansa kurum yake. Ta d’an gyara zaman mayafinta tana murmushi kafin tace “Ai Safeenah ta koma gidanta Inne.. Tana can d’akinta..” Shaye da tsananin mamaki Mu’azzam ke duban Mommy yanzu kam. Wai Safeenah ta koma d’akinta. Inne ta dubesa tace “Kai Modibbo haka akai ashe..?” Mu’azzam ya rasa ta cewa, ya d’an jinjina kansa kad’an yana fad’in “Eh.. Haka ne Inne..” Ya k’arashe yana mai aikawa Mommy mugun kallo. Inne tace “Yayi.. Yayi kyau, hakan ai yafi.. Mutuwar aure sai dole balle ma ace auren zumunci irin wann.. Allah ya kad’e fitina ya zaunar dasu lafiya ita da abokiyar zaman nata..” Mommy har na murmushi take amsawa da “Ameen Inne..” Mu’azzam kasa jure zaman parlorn yai dan sosai zuciyarsa ke masa zafi musamman idan ya dubi Mommy da Uncle Salman. Hakan yasa yai ficewarsa daga parlorn cikin sauri.. ** A b’angaren Safeenah kaw tana can Mental Facility yanda take samun kula daga k’wararrun likitoci. Haka Safeenah tai kusan a daren da ya gabata tana bugun k’ofa tana fad’in Su k’yaleta ta fice ita ba mahaukaciya bace da hankalinta. Yanzu ma hakance ta kasance sai dukan k’ofa take tana fad’in suzo su fitar da ita zataje wajen mijinta da D’anta suna jiranta. A haka Ta gaji Ta kwanta saman gadonta hawaye na gangaro mata. Wai ita Safeenah Gamji ce aka kawota asibtin mahaukata aka ajiyeta, kenan da gaske mahaukaciya suka d’auketa bacin ita da hankalinta kuma ta tabbata cikinta na nan bai fice ba, zata haifo D’anta kuma Mu’azzam zai mai da ita.. Har abada bazata tab’a barin Mu’azzam ma wata ba shid’in nata ne.. Haliliyarta ce ita kad’anta. Hawaye mai zafi ya gangaro daga cikin idanunta. Tana jin alamun shigowar nurse cikin d’akinta tai likimo kaman dai bacci take. Nurse d’in ta aje tray d’in magunguna da Ta shigo dashi ta shiga k’ok’arin had’a allurar da zatai ma Safeenah. Safeenah ta kuma kannare idanunta kad’an tana duban Nurse d’in daketa k’ok’arin had’a ruwan allurar. Aiko tana ida had’a allurar ta nufo Safeenah zata mata allurar Safeenah tai kukan kura ta janyo k’arfen lank’aye drip dake gefenta ta rabza ma nurse d’in akai.. Nurse d’in tana fad’uwa Safeenah ta d’auki allurar ta danna mata.. Sauri sauri ta soma k’ok’arin sauya tufafin malamar jinyar da nata. Tsaf Safeenah ta shirya cikin tufafin Malaman jinyar asibiti ta rufe fuskarta da mask, ta inayo nurse d’in da k’yar ta azata saman gadon bayan ta sauya tufafinsu, lokaci guda ta silale ta fita daga asibitin. ** A can gidan Daddy kaw a babban parlorn Daddy suka hallara bayan da suka tabbata Inne ta shiga ta kwanta dan bazasuyi komai a gabanta ba gudun kar hankalinta ya tashi da abubuwan da zataji. Daddy Uncle Salman Mommy sai ko Mu’azzam. Uncle Salman ya girgiza kai a karo na biyu yana duban D’anuwansa Marwan wanda shi ne ya gayyatosa gidan nasa “Marwan Wai meke faruwa ne.. Ka kirani kace na taho cikin gaggawa zamu tattauna matsala da ya shafi companies d’inmu.. Mene kuma nake gani haka.. Idan Mu’azzam nada shares a company naji zai iya tsayuwa a nan a tattauna dashi toh amma mai matarka take a nan..?” Daddy yai gyaran murya kad’an yace “Munada buk’atansu a nan ne Salman shiyasa ka gansu..” Ya d’an gyara zamansa kafin yaci gaba da fad’in “Salman wace takarda ce kake nema wajena wanda har kukayi amfani da Hajara kaida matarka dan kun cimma burinku na mallakar wann takardan.?” Dummm! K’irjin Uncle Salman ya bada wann sautin. Bakinsa ya soma rawa yana furta “Ta..Takarda kuma.. Wace irin takarda..?” “Yarjejeniyar da kace kinyi kaida mahaifina cewa ya mallaka maka Kaso na dukiyarsa.. Shin Ka tuna Uncle..?” Mu’azzam ya k’arashe yana duban Uncle Salman cikin ido. Uncle Salman ya shiga girgiza kai yana furta “Ban.. Ban fahimta.. Wace takarda kenan..?” Mommy tai caraf tace “K’warai kuwa ka sani Salman domin kuwa Shemau ta sanar dani cewa dan na samo maku wann takardan daga hannun Marwan shiyasa ka turo Shemau ta shiga jikina.. A cewarka Marwan shi ya d’auke wann document d’in domin ya cinye dukiyar D’anuwanku Abubakar.. Tabbas anyi haka kuma kaima kasan anyi haka.. Ni bansan da wata takarda ba na yarjejeniya har saida Shemau ta sanar dani cewa wann takardan kuke farauta hannun Marwan kaida matarka Shemau..” Ta k’arashe cikeda k’warin gwiwa irinta mai gaskiya. Daddy ya girgiza kai yana duban Uncle Salman da gaba d’aya ya daburce kafin yace “Salman wace takarda ne wann..? Sannan Maiyasa kace takardan na hannuna bayan ni bansan da wata takarda ba..?” Mu’azzam ya k’araso gaban Uncle Salman sosai wanda gaba d’aya gumi ne ke karyo masa dukda sanyin AC dake busawa cikin parlorn. Lokaci guda yake furta “Sabida ka cimma burinka na mallakan takardan yasa kukai tarayya kaida matarka harma da Mommy kuka d’auko wa mahaifiyata mai magani na bogi..? Sabida ka mallaki wann dukiyar ne da