Chapter 226

b’angaren daban. Assad ya daidaita tsayuwarsa yana duban Mu’azzam d’in, lokaci guda ya k’ame had’ida sara masa “Congratulations Chief Inspector Mu’azzam Gamji.. Bazan iya jira ka amshi k’arin girma da d’inbin lambobin yabo da suke jiranka ba sakamakon kaiwa k’arahen case d’in nan da kai.” Da mamaki Mu’azzam ke dubansa kafin ya girgiza kai yace “Meye haka kakeyi.. Kai komai sai ka saka shiririta. Koda yake idan baka saka ba ai baka cika Assad ba.” Ya k’arashe yana mai d’an girgiza kai kad’an. Assad ya dara kad’an yana fad’in “Ni zan wuce, sai munyi magana..” Ya mik’o masa hannu sukai masabaha Mu’azzam na fad’in “Ai gwara dai ka tafi kam kafin kai wani shirmen.” Assad ya kuma murmusawa yana fad’in “Da Allah ka isar min da gaisuwa wajen Mamy kafin na k’araso.” Da kai kawai Mu’azzam ya amsa masa kafin ya wuce. Mu’azzam ya nufo cikin gidan yanda ya hangi Inne tsaye jikin window tana dubansa, shima d’in dubanta yake amma fuskarsa a matuk’ar tsume, tasan bazai wuce kan labarin da ta bayar na gameda abinda ta aikata ba. Tana gani Mu’azzam ya d’auke kansa yai shigewarsa. Jikin Inne duk Sai ya kuma mutuwa. Har ga Allah batasan da wasu idanu zata dubi ahalinta ba. Gaba d’ayansu nauyinsu takeji dan gani take kaman itace ummulhaba’isin shiga dik wani tashin hankalinsu. A parlorn Mu’azzam ya tarar dasu Daddy sunyi carko carko suna duban Mommy dake kwance wajen fuskarta duk ya dauje kaman an d’auraye da ruwan rini. Shigowarsa ma ya shigo ne ya tattare Mommy su wuce headquarters amma Sai ya tarar magana ma da k’yar take tana rok’on Aunty Nuratu tai mata rai kar a rufeta a kurkuku.. Mu’azzam ya danna mata wani kallo kafin yace “Ce miki akai baa jinya a can.. Ana tuhumanki da laifuka bila adadi dan haka you are under arrest.” Mommy Ta soma rarrafawa Ta kamo k’afar Aunty Nuratu dake tsaye gefen Daddy “Nuratu ki ceceni.. Naci albarkacin yarana kar ki bari a kamani.. Ki ceceni Nuratu.. Na san kina zuciya mai kyau Nuratu.. Kimin rai kiji tausayina..!” Ta k’arashe tana jijjiga k’afafun Aunty Nuratu cikin kuka. Daddy ya katseta da fad’in “Ya isa haka Hajara. Ke kanki Kinsan ko Mu’azzam bai kasance Jami’in tsaro ba dole hukuma Su kameki kuma Su hukuntaki ki daina wann wasan kwaikwayon naki haka..” Ganin Mommy kwance k’asa tana jijjiga k’afafunta tana kuka duk sai yasa zuciyarta ya kuma yin rauni. Mu’azzam ya kula da raunin mahaifiyarsa da tausayinta, cikin sauri ya katse Mommy da fad’in “Ki daina wann maganar dan kinsan ba mai yuwa bane.. You must face the law sabida court case ne akanki.” Cikin kuka Mommy ke kuma duk’awa gaban Aunty Nuratu tana fad’in “Shin Maiyasa ni bazaa yafe mun ba idan za’a yafewa Inne.. Idan Inne taci albarkacin ahali nima naci albarkacin nawa yaran.. Dan Allah Marwan ka saka baki Ko dan yaranmu.” Da tsananin mamaki Mu’azzam ke duban Mommy jin ta yanda ta b’ullo. Ba don mahaifiyarsa ba yayi imani da Allah baida lokacin tsayawa sauraron sunbatun Mommy. Daddy ya katseta da fad’in “Kar ki kuskura kiyi wann batun Hajara, dole ki fuskanci hukuma kuma dole ki biya abinda kika aikata.” Mommy ta kuma fashewa da kuka tana fad’in “Kuji tausayina.. Nima uwan ce kaman yanda Inne take uwa a cikin ahalin nan..” “Ki mana shiru ki daina danganta laifinki da kuskuren Inne..!” Daddy ya katseta. Nan ya kuma fashewa da kuka tana fad’in “Sabida ni banida gata shiyasa bazaa min rangwame kaman yanda akaima Inne ba.. Ai laifi baifi laifi ba, laifi iri guda muka aikata mun salwantar da rayuka.. Idan kuma za’a kamani Tabbas za’a kama Inne.. Kai Mu’azzam ai kai jami’in tsaro ne kasan ba k’aramin laifi kakarka ta aikata ba harda jariri ta salwantar. Idan har ka cika jami’in tsaro adali kana danna mun handcuff itama ka danna mata kaga sai a saka mu cell d’aya da Inne, tana gadon sama Ina na k’asa, idan kuma ba haka ba dukanku azzalumai ne masu son kai..!” Idanun Mu’azzam suka kad’a sukai ja yana duban Mommy da tsananin mamakin k’arfin hali irin nata. Wato rashin kunyar Mommy yakai yanda yakai. Daidai lokacin Kiki ta shigo taga mahaifiyarta duk’e tana kamo k’afafun Aunty Nuratu tana fad’in Ai mata rai. A guje Kiki ta k’araso tana kuka ta rungume Mommy tana fad’in “Mommy mai ya sameki.. Mommy Addah Feenah zataji sauk’i bazaki tafi ki barmu ba right.” Kiki da batada masaniya kan laifukan da mahaifiyarta ta aikata ta fad’I haka. Mommy Ta rungumeta tana kuka, yayinda Kiki Ta d’ago tana duban Daddy “Daddy Mommy can’t leave us right.. Please Daddy.. Adda Feenah needs Mommy now..!” Gaba d’aya sai tausayin yarinyar ya rufesu. Aunty Nuratu ta k’araso tana k’ok’arin janye Kiki.. Mommy ta rik’e d’iyarta tsam tana fad’in “Kiki kar ki barni kulleni zasuyi a prison.. Kiki stay with your Mom kinji..” Cikin tsananin b’acin rai Daddy ya katse Ta da fad’in “Ya isheki haka Hajara.. Kar ki maida mutane mahaukata.!” Ya janyo Kiki yana fad’in “Muje Karimatu.. Zo mu tafi.” Kiki tana waigowa take fad’in “Daddy Ya Mu’azzam zai kulle Mommy.. Daddy la basa hak’uri.. Daddy please Mommy can’t go to jail sabida abinda taiwa Adda Feenah.. Dan Allah ka bawa Ya Mu’azzam hak’uri.” Daddy yana fitar da Kiki Mommy taci gaba da magiya tana rok’on Aunty Nuratu. Mu’azzam zai magana Aunty Nuratu ta dakatar dashi da fad’in “Ya isa haka Mu’azzam.” Da tsananin mamaki yake duban mahaifiyarsa, lokaci guda yake girgiza kai yana fad’in “Mamy please don’t.. Matar nan fah ‘Yartadda ce, gasunk’umar ‘Yartadda wacce authority ke nemanta.. Mamy case d’in nan tin daga sama ne ba wai a hannuna bane kawai.. Hukuma nemanta suke itada D’anuwanta Muttaqa.. Mamy please kar ki ce zaki dakatar dani.” Dubansa mahaifiyar tasa tai tausayinsa duk ya cikata.. Lokaci guda ta janyo hannunsa suka fice. Sai juyowa yake yana aikawa Mommy mugun kallo.. Har lokacin duk’e wajen take tana hawaye. Zaune sukai a waiting kansa na k’asa yana furzar fuci a hankali, yana jinjina K’arfin hali irin na Mommy, waima cewa take idan za’a tafi da Ita sai an tafi da Inne. Aunty Nuratu ta dubesa kafin ta jinjina kai kad’an tace “Nasan yanda kake ji and believe me nima inajin irin wann rad’ad’in.. Zanfi kowa son Hajara ta biya Abinda ta aikatawa Ikram da mahaifinku harmada Sirkinka.. Amma Dikda da haka da zan sami zarafin yafe mata zan yafe mata sabida har kullum laifin da aka maka ka yafe yafi wanda ka d’auki hukunci.. Toh amma abun shine Hukuma sun riga sun shiga Hajara dole Ta amsa masu kuma rayuka ba d’aya ba ba biyu ba Hajara ta d’auka a wuyanta, Ita d’in barinta cikin al’umma barazana ne dan bamusan mai zata aikata ba idan har ‘ya’yan cikinta ma basu tsira da sharrinta ba.” Ta d’anyi fasali kafin taci gaba da fad’in “Bazan hanaka gudanar da aikinka ba, amma inaso kai hak’uri abubuwa su lafa kafin ku tafi da Hajara, ka dubi yanayin da Karima ta shiga ganin mahaifiyarta da tai a haka, sann ga halinda Safeenah Ke ciki.. Ga Musaddiq can a cell, he hasn’t been released yet.. Don’t you think this is too much for the family.. Babankun ma kansa k’ok’ari yake.. Kai hak’uri