Chapter 233

yace Ai sai suyi addu’a su kuma gode wa Ubangiji da wann baiwa da yaiwa ahalinsu.. Cikin k’ank’anin lokaci ahalin ya kuma bunk’asa ya dunk’ule waje guda. Akai addu’o’i had’ida Godiya wa Ubangiji. Alhaji Ramadan mahaifin Ajidde yace zai tafi da d’iyarsa, nan su Daddy suka rok’esa da ya hak’ura ya d’an k’ara lokaci kafin yakai Ajidde taga Iayayen mahaifiyarta.. Sann Ahalinsa gaba d’aya suna nan shima ya kamata a tafi Fufore tare dashi yaga gida da dangi.. Haka dai sukaita dannarsa har ya hak’ura zai k’ara kwanaki. Abu dai sai san Barka. A b’angaren Mu’azzam kaw bai ita sanar da Musaddiq komai da bakinsa ba sai Daddy ne ya sanar dashi komai a tsanake. Allah sarki Zo kaga tashin hankali wajen Musaddiq sanda yaji muggan abubuwan da mahaifiyarsa ta aikata. Haka ya dinga kuka yana fad’in bazai tab’a yafe wa Mommy ba. Kafin ya baro headquarters d’in saida ya nemi ganin Mommy.. Mommy tana kuka take fad’in kar ya yarda dasu sharri sukai mata.. Kuka Musaddiq ma yake yana girgiza kai yana duban mahaifiyar tasa cikin wane irin yanayi “You are not human Mommy.. How could you..?” Yaci gaba da hawaye yana furta “You made me believe that I raped Ikram.. You made me believe that I was a criminal.. How could you Mommy.. Ta yaya zaki aikata laifuka irin haka.. Ta yaya kike bacci da dare Mommy.. Ta yaya kike rayuwa cikin ahalin da kika zalunta irin haka.. Mommy bansan da mai zan dangantaki ba.. Amma ki sani zan rok’ar miki gafara sabida ke mahaifiyata ce.. But hakan ba wai yana nufin zan tab’a yafe miki abinda kika aikatawa Ikram bane.. Zan tafi kuma bazaki sake ganina ba.. Bazan sake ziyartarki ba.. Allah ya yafe miki Mommy..!” Daga haka yasa kai ya fice yana hawaye. Mommy tana kiransa tana rok’onsa ya dawo inaa ko tsayawa baiyi ba. Sai kukansa dake k’arewa. ** Tinda ya dawo gidan ya rufe kansa a d’aki baison ganin kowa kuma bai son magana ma kowa. Juyin duniya anyi Musaddiq yak’i kula kowa yak’i cin abinci sai kuka yake a d’aki. Aunty Nuratu ta umarci Ajidde da ta kai masa abincin wann karon, jikin Ajidden ma duk a sanyaye take knocking a k’ofar d’akin nasa.. Kaman bazai bud’e ba amma Sai ya sinkayo muryarta cikin yanayi mai kama da kuka itama d’in take fad’in “Idan bazaka bud’e ba shikenan.. Bazan tak’uraka ba.. Amma ka sani nima zan tafi nabi mahaifina kuma bazaka sake ganina ba..” Musaddiq yai shiru kaman bazai amsa ba Sai kuma ya mik’e ya k’araso ya bud’e mata. Kallo guda yai mata ya koma cikin d’akin saman abin sallah dake shimfid’e wajen ya kuma zama. Da alama sallar yai.. Ta k’arasa ta ajiye masa abincin har lokacin baice komai ba. Taisayinsu gaba d’aya ya kullub’eta. A hankali Ta goge hawayen da suka zubo mata kafin ta soma fad’in “Dukanmu abubuwa da zuciya bazata iya d’auka ba sun faru damu.. Dukkanmu Muna cikin lokaci ne na gwaji.. Amma kasan menene..? Allah baya tab’a d’aura ma zuciya abinda bazata iya d’auka ba.. Shin kana tunani kai d’aya ne aka jarabceka.. Shin kai ka mance ka girma gaban iyayenka guda biyu..! Shin ka mance ka taso cikin soyayyan ‘Yanuwan da iyayenka harma da Kakarka..? Shin kasan rad’ad’in ka taso cikin babu sai ka neman ma kanka..? Shin an tab’a d’aureka a turke ka kwana d’aki guda da dabba..? Baka San wann ba.. Baka San zafin kai tashin uk’uba gaban matar da babu dangi iya balle na Baba tsakaninku ba.. Baka San rad’ad’in ka taso gaban matar da babu Allah cikin zuciyarta sai shirka da bokanci da rufa ido.. Kasan cewa ni haka na taso.. Hannun wann azzalumar matar wanda taso d’aurani a turba maras kyau.. Na kwashe shekaru Ina ma Inna Kyallu Bauta da burin daidai da rana guda zata saka mun albarka.. Amma bata tab’a ba sabida ba Ita ta haifeni ba sann sana’ar da ta d’aurani akai ba mai albarkan bane.. Shin duk kai kasan zafin abubuwan da na lissafo maka..? Baka sansu ba.. Sai yanzu da kaji abubuwan da mahaifiyarka ta aikata Wanda duk ta b’oye maka su ba don komai ba sai dan soyyayar da take maka koda ace ta kasance mai laifi.. Ta zabi ta b’oye maka duk abubuwan da take aikatawa sabida ka kasance cikin Farin ciki.. Ni a nawa b’angaren ba haka bane.. Kuma ba wai Ina fad’a maka bane dan nuna rashin godiya da jarabawan da Ubangijina yaso jarabtana dashi.. A’a ina fad’a maka ne domin ka fahimci rayuwa da yanda kowa take zuwa masa da k’alubale daban daban.” Ta soma Murmusawa hawaye naci gaba da gangaro mata “Daga k’arshe Allah ya cika Ahalinka da alkhairi koda ace babu Mommy.. Sai ka dubi wani rahamar da yai maka ka godewa Allah..” Tinda ta soma magana hawaye ke gangaro masa. Yarinyar da ya d’auka shashasa mai sakasa dariya da nishad’i yau gashi kalamanta sun zamto masu taushi da tausasa zuciyarsa had’i da basa natsuwa na musamman. Lokaci guda yanajin tausayin rayuwarta da abubuwan da Ta fuskanta a matsayinta na d’iya mace na kuma dabaibaye zuciyarsa. Muryarta ya sinkayo wann karon a yanayin da Ta saba masa magana “Kaga wllhi ko kaci abincin nan ko na bud’e tagar nan na rabza ma wancan Dansanda mai tsaron gate d’in kwanon a kansa harda abincin ciki.. Kuma kasan tsaf zan aika..” Ta k’arashe tana k’ok’arin mik’ewa had’ida d’aukan bowl d’in da pepper soup d’in Ke ciki.. “My Goodness..!What is she doing..?” Musaddiq ya furta a hankali yana mai k’ok’arin mik’ewa. Tuni Ajidde ta soma bud’e glass.. Ai a d’ari ya rik’o bowl d’in yana fad’in “Ke Crazy dove have you gone mad.. Mai kike yi..?” “Ah Toh ka tsaya kasha kallo kaikam.. Kuma kasan Allah yanda yasha malu d’in nan tau zata sauk’a a k’eyarsa.. A d’ari zai arce ina gaya maka..” Tana fad’i tana dariya. Ai Musaddiq baisan sanda ya fara dariya ba shima yana fad’in “Wllhi cewa zai attack aka kawo tsaf zai arce a guje..” Sukaci gaba da darawa kafin yace “Kice dai hankalin da saura na gaba.. Sai gashi kin fara maganan hankali sai ki koma wani abu daban..” Ta aika masa harara tace “Wace mahaukaciya..?” Yanda Ta zaro masa idanunsa ya sanyasa kame bakinsa yana girgiza kai “Ba dake nake ba.. Allah baki hak’uri..” Ta tab’e baki tace “Kayi dai ka gama jibi war haka bana nan..” “A Haba kin isa.. Kafin Uncle Ramadan ya tafi zan bada sadakinki, a d’aure min ke a nan..” Ya k’arashe yana mai kai spoon d’in abinci bakinsa. Baki sake take dubansa kafin tace “Ni wa.. Na kaika ina Kuran tashe.. A k’ara gaba dan Allah.. ba dani ba..” Musaddiq ya jinjina kai yana kuma kai abincin bakinsa “Zaki gani idan lokacin yai..” Ajidde kam ta daina sauraronsa sakamakon hango Mu’azzam da tai ya fito side d’in bak’i yanda Babanta da Uncle Salman suke, da alama wajen Musaddiq d’in ya nufo. Ai babu shiri ta mik’e tana dafe k’irji “Na shiga uku..!” Musaddiq ya mik’e yana fad’in lafiya.? Ajidde ta shiga nuna masa window “Kofur Zalimu.. Nasan nan zai shigo Allah bamu alkhairi kaga tafiyata.” Ta fice kaman zataci tuntub’e.. Musaddiq ya bita da kallo murmushi bai bar saman