Chapter 222

Mommy Ta murmusa tana goge k’wallan da suka ciwo idanunta tace “Na gode K’warai Ikram.. Allah shi miki albarka.” Shiru Ikram tai jikinta dik a sanyaye ba tareda Ta iya cewa komai ba. Ko da zataje wnn location d’in gaba d’aya hankalinta bai kwanta. Bataso tai disappointing Mommy dan sosai take ganin k’imarta da girmanta, dole ta aikata abinda Mommy ta umarceta koda bata so.. Da wann tunani ta tsaida zuciyarta kuma Mommy tace kar ta tafi da driver ta shiga cab tinda abin nasu ‘yar sirri ne. Hakan yasa tai kiran Musaddiq dan Allah ya gani tsoro take. Mommy na hankalce da Ita, Ta kula hankalin yarinyar bai kwanta ba. Aiko Musaddiq na isa da kad’an Sagir ya k’araso, sanda Sagir ya k’araso Musaddiq ya fad’i wajen tamkar sumamme Ikram nata kiran sunansa tana fad’in ya tashi su gudu dan Ta fara tsoron wajen. Amma inaa Musaddiq baima San duniyar da yake ba tamkar sumamme tamkar mai bacci. Sagir ya k’araso yana Washe baki “What do we have here..” Ya fad’i yana wani shafe baki. Ikram taci gaba da jijjiga Musaddiq tana fad’in ya tashi. Sagir yaci gaba da matsowa Ikram na hawaye ta shiga jada baya tana girgiza kai “Please don’t hurt me.. Just stay back.. Don’t come near me..!” Bai fasa matsowa yana sakin muguwar murmushi ba. Cikin kuka take waige waige tana furta “Mommy please help me.. Mommy..Mommy..!” Daidai lokacin Sagir ya cimmata.. Ta soma kiciniya tana kiran sunan Musaddiq dake kwance kan ya tashi ya taimaketa.. Inaa babu abinda ya canza.. Tai k’arfin halin gantsara masa cizo a hannu take ya d’auketa da jahilar mari wanda saida yasa Ta zube k’asa.. Kuka take tana rarrafawa alamun neman hanyar tsira.. Sagir ya shiga janyota a k’asa yana kuma kai mata wasu marin.. Abin tausayi abin tashin hankali.. Babu imani ya rabata da mutuncinta ya mata wulak’anci mafi muni.. Daidai lokacin Danger ya k’araso ya tadda Musaddiq kwance gefe ga Ikram tamkar maras numfashi ga Sagir tsaye gefe yana wani Washe baki. Danger ya k’arasa ya shiga kai masa duka yana fad’in “That’s not the plan you Bastard.. Mai ka aikata..?” Sagir na dariya yake fad’in “She’s going to die anyway.. So kafin ta mutu gwara na rage zafi da ita.. She’s beautiful, after all.” Danger ya ciro bindiga ya saita Sagir dashi kan kace mai ya d’ana masa harsashi. Daidai nan Mommy ta k’araso dan dama jikinta ya bata Ikram zata iya kiran wani ta nemi taimako musamman Musaddiq. Nan ta tarar da abinda ke faruwa. Sanda taga Ikram dafe k’irjinta tai tace “Muttaqa ba haka mukai ba.. Maiyasa ka mata fyade.?” Danger yace “Kinsan a tsarina babu mace.. Bani na aikata ba kuma wanda ya aikata na aikasa barzahu.. Itama yanzu sai mu aikata..” Ya k’arashe yana saitata da bindiga. Mommy tai saurin dakatar dashi kafin ta isa kan Ikram dake fidda numfashi da k’yar. Ta dubeta hawaye na fitowa daga idanun Mommy, lokaci guda take shafa sumar Ikram “Watak’ila da baki faye shishigi da San bin diddigin al’amara ba da hakan bai faru dake ba. Zanyi kewarki Ikram... Kuma zan sanar da nakasasshiyar uwarki ga abinda ya sameki..” Idanun Ikram a lumshe hawaye na fitowa daga idanunta Mommy taci gaba da fad’in “Mahaifiyarki ta k’untata min da yawa Ikram.. Mutuwa kad’ai ya mata sassauci gwara ta cazga bak’in cikin rayuwa.. Zan kasheki da hannuna kaman yanda na kashe mahaifinki..” Daidai lokacin Ikram ta Ware lumsassun idanunta ta sauk’esu kan Mommy dake rik’e da bindiga tayi pointing d’inta. A hankali ta kuma lumshe idanun nata hawaye suka kuma gangaro mata.. Mommy na cazgan kuka ta d’ana mata harsashi tau! Ta kasheta. Gefe ta koma tana kuka sosai kafin Danger ya k’aradu yana fad’in “Gawarwaki guda biyu.. How do we get rid of the bodies..?” Mommy tace “Mu k’onasu ta yanda bazaa gane ba.” Danger ya girgiza kai yace “Yayanta D’ansanda ne kuma one of their best agents, nayi imani idan mun Had’iye gawarwakin nan ne Sai ya gano mu.. Abun yi kawai mu saka bindigar cikin hannun Sagir.. Kinga shikenan zai zamana Sagir shi ya kasheta bayan ya mata fyad’e sann ya kashe kansa. Babu sauran zargi.” Mommy tai saurin jinjina kai kafin ta juyo ta dubi Musaddiq dake kwance “Ni zan kula da Musaddiq kai ka k’arasa sauran aikin.” Danger ya jinjina mata kai sukai duk yanda suka tsara. Hular Musaddiq da ya fad’i a wajen Danger ya d’auka yana murmushi “Hular nephew d’ina..” Ya kuma murmusawa kafin ya saka hular akansa. Wann shine dalilin da hular Musaddiq ya isa hannun Danger har Mu’azzam ya tsinci hular a business location d’in Danger. Wad’ann sune abubuwan da suka faru a baya. Tashin hankula da duk wani k’ulle k’ullen da suka wakana. Allah ka rabamu da sharrin son zuciya. Ka shiga tsakanin na gari da mugu a ko Ina... _CIGABAN LABARI_ Banda sautin fitan kuka babu abinda kake iyaji a parlorn bayan Mommy ta bada labarin duk abubuwan muguntar da Ta aikata. Inne ma na hawaye take furta “Inaji duk laifina ne.. Laifi d’aya ne tak da na aikata Allah ya jarabceni da samun sirka irinki a ahalina Hajara.. Kin tarwatsa min ahali.. Innalillahi wa inna’ilaihi raji’un.. Hakkin rayuka biyu da na d’auka Harira da abinda ke cikinta kin kashe rayuka biyu a ahalina.. Kin kashe D’ana Habubakar sann kika kashe jikata Ikram.. Kaico na Kaicon son zuciya.. Innalillahi wa inna’ilaihi raji’un..! Ku yafe mun ku yafeni laifin duk nawa ne ya shafeku..!” Ta k’arashe tana dafe k’irjinta cikin wane irin yanayi hawaye na kuma gangaro mata.. Uncle Salman ma hawaye yake furta “Ashe kece kika kashe D’anuwanmu kike yunk’urin d’aura laifin akanmu.. Innalillahi wa inna’ilaihi raji’un.. Ban tab’a danasanin son abin duniya irin yau ba.. Ban tab’a ji duniya da abinda ke cikinta Sun fita akaina irin yau ba.. Ashe ni da Shemau shashashai kika d’aukemu.. Hasbunallahu wa ni’imal wakil.. Allah mun tuba.. Allah kad’ai shi zai maganin azzaluma irinki Hajara.!” Ya k’arashe cikin rawar murya irinta mai kuka. Daddy kam kasa motsawa yana jin kukan ma ya d’auke masa abubuwan da matarsa Ta aikata ne ko kuwa abinda mahaifiyarsu ta aikata ne zaima kuka... Wann wane irin tashin hankali ne wanda tinanin bazai iya lissafinsa ba..Shin wace irin duniya muke rayuwa ciki da son kai da abin duniya suka rufewa mutane ido har suke mance cewa gidan duniyar nan da suke zaune cikinta bafa matabbata bace GIDAN ARO ne da dik daren dad’ewa zaka tafi ka barta kuma kaje gidanka na gaskiya ka tarar da abinda ka shuka.. Ya Allah ka bamu ikon shuka alkhairi.. Ka kuma bamu ikon cin jarabawar da zaka jarabcemu da ita.. Ya Allah ka rabamu da mummunan k’addara.. Babu abinda Zuciyar Daddy ke iya ambaton sai sunan Allah. Aunty Nuratu dake duk’e gaban Mommy hawaye kwance saman fuskarta, Ta d’ago tana dubanta “Kwantar dani da kikai tsawon shekaru bai d’aga mun hankali kaman abinda kika aikatawa Ikram da mijina ba.. Allah shi kad’ai zai miki hukunci Hajara.. Na barki dashi yayi ikonsa akanki Hajara.” Mommy kuka yayinda har lokacin kan Mu’azzam ke kife.. Wai dama duk tsawon lokacin nan da ya kwashe yana bincike yana aikin D’ansanda ashe gasunk’umar ‘yartaddan tana nan cikin gidansu har yana kiranta da Mommy..