Chapter 220

kwance ne Ita ba a raye ba Ita baa mace ba.. Allah ne kawai keyin ikonsa akanta. Aka Fita k’asashe da dama neman magani amma Allah bai nufa za’a dace ba. A haka suka ci gaba da rayuwa yaran Abubakar Mu’azzam da kuma Ikram suna hannun Marwan da Hajara sun had’esu da nasu yaran suna kula dasu baki d’aya har bazaka banbance ba sabida yanda Hajara ke basu kulawa, wann ma sosai yasa Marwan yake kuma k’iman Hajara, har saida yaji babu dad’i kan abubuwan da yai mata a baya. Tinda Nuratu da yaranta suka dawo wajen Marwan Hajara Ta fahimci kaman an dasa wa mijinta wani Sabon rayuwa ne Dikda tashin hankali da yake shiga idan yaga yanayin jikin Nuratun da yanda akaita neman magani Allah bai nufa za’a dace ba. Daga nan Hajara ta k’udiri niyyan sai yanda k’arfinta ya k’are wajen ganin Nuratu bata sami lafiya ba.. Balle ma tasan ba samun lafiyar zatai ba haka zata k’arashi wahalarta rai yayi hali. A can b’angaren Salman baida damuwar da ya wuce wann takardan yarjejeniyar da Hammansu ya rubuta.. Burinsa shine ya mallaki takardan ya mallaki dukiyar tinda da bakinsa ya sanar dashi cewa shida iyalansa basa buk’atar dukiyar.. Yasan bazai wuce D’anuwansa Marwan bane ya d’auki takardan tinda iyalan Abubakar d’in gaba d’aya sun koma hannunsa.. Shi bazai bari dukiyar nan ta tafi hannun kowa ba face shi.. Watak’ila ma Marwan azirta kansa zai da dukiyar dan haka zai bi ko wacce hanya zaibi dan Ganin ya mallaki wann takardan. Hanya mafi sauk’i shine matar Marwan, zaisa Shemau matarsa ta shiga jikin matar Marwan dan su mallaki wann dukiya. Ba tareda sun San cewa takardan na hannun Hajara ba.. Ita kaw Hajara da Ta fahimci suna neman wani abu a wajenta shiyasa Shemau ke shishige mata.. Dariyarsu kawai take a gefe dan tasan bazai wuce takardun dukiyar Abubakar Salman yake nema ba tinda akan idanunta komai ya faru.. Su a nasu wautan amfani zasuyi da Hajara su buga wasansu basu San cewa itace zatai amfani dasu Ta buga nata wasan ba. Tar Hajara ke kallonsu da sunan zasu mata wayo Ta samo masu takardan yarjejeniya daga wajen mijinta.. Suna ma Hajara kallon biri tana masu kallon ayaba. Marwan da baisan duk anyi wata yarjejeniya ba hakan yasa yaci gaba da kula da dukiyar su Mu’azzam musamman da ya kula Salman na yawan damunsa kan cewa Ina yake kai dukiyar su Mu’azzam tin kafin Mu’azzam d’in ya mallaki hankalinsa. Saidai Marwan bai tab’a sanar dashi komai gameda yanda yake adana masu Kason su ba. Hakan ya kuma tabbatarwa Salman cewa Marwan ya hau kan dukiyar ne yayi k’ak’a gida, Tabbas wann takardan Yarjejeniyar tana hannunsa. Dik yanda zai Sai ya mallaki wann takardan. ** Mommy Ta ciro takardan tana juyawa tana murmushi, a fili take furta Salman kenan, ka zaci kai kanada wayo.. Ta kuma murmusawa kafin ta bud’e envelope d’in tana juya takardan wanda Tabbas Abubakar ya rubuta zai sadaukar da dukiyarsa amma babu sunan kowa bisa sai hoton wann mutumin da Ta jima da sanar da Danger ya nemo masu wann mutumin.. Toh anyi sa’a Danger ya samu mutumin da iyalansa, yana zaune a garin Suleja sann matarsa da d’iyarsa imaninsu abin duniya ne.. Tuni suka nemo Sagir suka basa dukiya dan ya nemi auren yarinyar su samu su kawar da wann mutumin da ahalinsa wanda basu San dalilin Abubakar na saka hoton mutumin cikin Yarjejeniyar ba. A wann lokaci kuma aka saka auren Safeenah da Mu’azzam.. Wani rana Ikram ta shigo d’akin Mommy tana nemanta zata tambayeta yanda Ta aje maganin Mamy don lokacin bata magani yayi.. Nan Ikram taji kaman Mommy waya take ga wani dogon envelope saman gado. SameenaAleeyou📚 *GIDAN ARO* *79* *©️Sameena Aleeyou...✍🏽* Mommy taci gaba da fad’in “Kana jina Muttaqa, dole ai auren nan.. Ta haka ne kawai zamu San duk wani Sirri game dasu.. Auren nan fah dole ne ayi shi..” Ta murmusa kafin tace “Haba babu wanda zai San wann sirri da zasu sani da Sun sani tuntuni bazan tab’a bari wani yaji wann sirri ba..” Mommy ta dasa aya sakamakon jiyo kaman motsin mutun da tai cikin d’akinda dan balcony take tsaye tana amsa wayar. Saurin datse wayar tai kafin ta juyo ta dubi Ikram da har Ta k’araso wajen k’ofar Balcony d’in. Mommy Ta d’an tsareta da idanu. Ikram tai saurin girgiza kai tace “Mommy kiyi hak’uri banyi nufin na saurari wayarki ba.. Amma Mommy wane sirri ne wann kike fad’i a waya babu wanda zai sani..?” Mommy tai raurau da idanu cikin sanyin jiki dan tasan Ikram da bak’ar naci da son jin k’waf. Akwaita da bak’in curiosity tana son sanin diddigin komai yawa yar jarida, yawan fad’ansu da Meema kenan.. Meema bak’in gulma da shiga abinda ba huruminta ba Ikram tambaya da son sanin dalilin faruwar abu. Ga wa’azin gulma da iyayi a cewar Meema. Sam basu wane faye shan inuwa guda ba. Kiki ce take zama taji nasihan Ikram musamman akan sallah, dan idan suna zaune gaba d’aya lokacin sallah yayi bata tashi Ita kad’ai sai tayi masu magana cewa su tashi suyi ko bazasu tashin ba. Meema takanyi tsaki Ta fara fad’in toh sannu musulma mukam jikokin arna ne ai.. Safeenah kaw sabida Ta samu karbuwa wajen Yayanta take wani abin. Bayan abinda ya sami Ikram kaw Meema sai tafi kowa damuwa da shiga tashin hankali, tana jin an kira sallah sai ta tuna Ikram sai kaga ta tashi ta nufi yin sallah.. Mommy Tai shiru tana nazarin abinyi tasan dai wann yarinya mai uban San jin k’wak’waf bazata daina tambayarta ba. Muryar Ikram d’in ya kuma katse mata tunani “Mommy I hope we are not in danger.” Ta k’arashe maganar idanunta na sauk’an akan doguwar envelope d’in da aka rubuta BAT a saman. Mommy tai saurin zama saman takardan hawaye na ciko idanunta. Ganin haka yasa jikin Ikram yin sanyi, Ta matso kusan Mommy Ta zauna daga gefenta had’ida d’an dafata kad’an “Mommy are you alright..?” Mommy ta share hawayen da suka zubo mata tace “Ikram inafah lafiya..” Cikeda damuwa Ikram tace “Mommy meke faruwa..?” Mommy ta d’ago hawaye tab idanunta “Akan ‘yar uwarki Safeenah ce.. Ashe wai biye biyen maza take Dikda an saka aurenta da Mu’azzam.. Yanzu idan Mu’azzam yasan haka nayi imani fasa aurenta zai dama ba sonta yake ba Kinsan Daddynku ya had’a auren.. Wllhi dik na damu.. Wann shine yasa kikaji nace bazan bari wani yasan sirrin ba.. Toh amma zargi ne da kokonto.. Kirana akai akace tana biye biye maza ban tabbatar ba Ikram.. Ga aurenta ya matso..” Ikram tai shiru tana nazarin maganganun Mommy sai ta tuna zamansu a Salford da Safeenah yanda take yawan kawo masu maza gida suna kwana har suka samu sab’ani daga bisani ta sanar da ita daina kuma bazata k’ara ba musamman da Daddy ya soma yunk’urin had’a aurensu da Mu’azzam. Ta sinkayo muryar Mommy tana fad’in “Ikram taimako zaki min, nasan Kema Bazaki so Safeenah ta lalata aurenta tun kafin tayi ba..” Ikram ta dubi Mommy dake hawaye cikeda tausayawa. Lokaci guda Mommy Ta share hawayenta kafin ta d’aura hannunta saman na Ikram tace “Ikee please help me.. Ki taimakeni..” Ikram tai saurin girgiza kai tana dubanta cikeda tausayawa