Chapter 181

son cikin jikinta sama da ita, abin cikinta ne damuwarsa ba ita ba.. Kukanta a hankali yake fita maras sauti. Mu’azzam duk sai yaji babu dad’i musamman da yaga yanda ta duk’ar da kanta tana hawaye. Lokaci ne da ya kamata ace suna Farin ciki da wann babban kyauta da Allah ya basu ba k’unci ba. Da tasan yanda hawayenta ke masa rad’ad’i a zuciya da ta daina kukan. Ya d’an furzar da huci kad’an kafin ya mik’e daga saman kujeran ya zaune gefenta saman gadon, ya shigar da kanta cikin k’irjinsa yana k’ok’arin lallashinta. Ita kaw kaman wacce aka ce ta k’ara sautin kukanta. “Ya isa haka.. Hush now..” Yana maganar cikin sigan lallashi yana shafa kanta kad’an irin yanda ake ma yara idan suna kuka. Suna a haka Dr ya turo k’ofan Aunty Larai na biye dashi. Mu’azzam yai k’ok’arin janye jikinsa, yayinda Sadiya tai k’ok’arin tsaida kukan nata. Dr ya k’araso yai mata sannu had’ida tambayarta jikin nata ko akwai wani pain ko wani abu da takeji. Ta girgiza masa kai alamun batajin komai sai weakness da baza’a rasa ba.. Aunty Larai ta k’arasa wajen Sadiya tana mata sannu yayinda Dr da Mu’azzam suka fice suna tattaunawa. Duba d’aya Aunty Larai tai mata ta fahimci Sun kuma haurawa da mutumin nata ne. Ta murmusa cikin zuciyarta tana mai mata uzuri, dan tasan mace mai juna abun fushi sam baya mata kad’an. Bayan da drip ya k’are aka sallamesu, ana kiraye kirayen sallar isha suka iso gida. Har lokacin Sadiya a kumbure take, ko kallon yanda yake batayi.. Shi sam bai ma San ga laifin nasa ba, shi dai ya alak’anta fushin da take da kasancewarta mace mai k’aramin juna.. Dan yasan wann karatun na cewa mata masu ciki sunada saurin fushi. A haka kawai ma sai suyita fushi sann abinda bai kai ya kawo ba ma Sai ya sanyasu fushi. Ya kula kaman space take so hakan yasan koda suka iso gidan bai buk’aci su tafi tare ba, Umma kaw dika Farin cikin da take na dadd’an labarin Jika da zata samu daga d’iyar nata hakan bai hanata cewa saidai Sadiya ta tattara tabi mijinta ba tinda babu wacce ciki ya hanata zaman aure baza’a fara a kanta ba. Sadiya Ta fashe da kuka tana fad’in ita bazataje can gidan ba. Mu’azzam ya d’an girgiza kai kad’an, cikin risinawa yace “Umma ai hak’uri a barta a nan d’in ta k’ara jin k’arfi..” Umma tai k’wafa tana aika ma Sadiya dake faman ture turen baki mugun kallo “Ai kai kake biye mata take wani sangarcewa tana shagwab’e wa mutane. Kanta ne farau zata wani narkewa mutane.. Ta tashi ta wuce mu bamuda masauk’inta ma a nan..” Mu’azzam ya d’an kuma duk’awa yana fad’in “A yi hak’uri dai Umma, a barta a nan d’in..” Aunty Larai Ta janyo Sadiyar jikinta tana fad’in “Nifa a k’yale mun d’iya tinda an bamu lasisi.. Abi d’iyata a hankali dan D’an mutum ne sukutum cikin cikinta ehe.. Muje na sama miki wani abu ki saka a cikin koh..” Ta k’arashe rik’e da hannun Sadiyar wacce ke goge hawayenta da d’aya hannun. Mu’azzam da Umma suka bisu da kallo Umma na yin k’wafa. Sosai Mu’azzam ke jin dad’in yanda Aunty Larai ke kular masa da Sadiyarsa. Ya d’anyi gyaran murya yana mai mik’ewa “Umma ni zan wuce.. Zanjeni na taho mata da wasu ‘yan kayyayakinta.” Umma ta girgiza kai tace “Kaida Larai dai Kun d’aure mata gindi.. Ni mai zance Tunda kunfi k’arfina.” Murmushi kawai Mu’azzam keyi yana sosa kansa kad’an yana kuma bama Umma hak’uri. A haka sukai sallama da Umma ya fice. Ya tadda Assad waje yana jiran fitowarsa. Jikin motocinsu suka tsaya Assad na masa ‘yar tsiya da zolaya. Saidai gaba d’aya yanayin da yaga Mu’azzam d’in ciki yasan definitely akwai abindake faruwa. “Wai lafiya duk na ganka haka nan..? Waima tsaya Ina ka shige ne mukaita neman wayarka.. Banjika ba Throughout the day. Nasan nasan dai munyi waya kace zaka duba Prison wajen Yusuf.. Ban sake jin d’uriyarka ba.. Ko wani classified mission d’in ne ya rik’eka..?” D’an furzar da huci yai yana shafe fuskarsa da tafukan hannayensa “Komai ma ya faru yau d’in kaikam..” Ya fad’i yana d’an dafe motarsa kad’an suna fuskantar juna shida Assad. Assad ya gyara tsayuwarsa “Ban gane ba.. Wane irin komai ma ya faru..?” “Abubuwa da dama Assad..” Ya fad’i yana d’an rage girman idanunsa yana jinjina kansa kad’an “Na fad’a maka Safeenah nada ciki..?” Assad yai saki baki yana dubansa, sai kuma ya zaro ido yana furta “Wow, da gaske..” Yai maganar yana murmushi lokaci guda yana k’arawada “Ah mutumina baka wasa, irin wann k’ok’ari haka lokaci guda.. Double goals at a time, Wa yake irin haka sai d’an baiwa.. Ce min zakai na soma Kiranka Yaya dan har zaka wuceni ni mai guda d’aya.. Kaga Baban ‘yan double..” Shirun da yaga Mu’azzam yayi ne kansa kife ya d’an sanyasa dakatawa da zolayar tasa. Ya sinkayo muryar Mu’azzam d’in naci gaba da fad’in “She was pregnant kafin Mommy ta cire cikin..” Assad ya tsaya Cak da ‘yar zolayarsa yana duban Abokin nasa, sai kuma ya girgiza kai yace “Ban fahimta ba.. Wane irin kafin Mommy Ta cire cikin.. I mean mai hakan yake nufi..?” Mu’azzam ya jinjina kai yana duban Assad d’in “Eh kaji daidai.. Kafin Mommy Ta cire cikin right in front of me.. Assad Mommy Ta bawa Safeenah pills na cire ciki akan idanuna, Inaji Ina gani gudan jinina na fita yana bin k’asa And I couldn’t do anything to save my child.. I couldn’t do anything to protect that innocent soul that was only caught in the middle..” Muryarsa ya carke sabida tsananin b’acin rai. Ya d’an lumshe idanunsa kad’an had’ida kauda FUSKA gefe yana sakin numfashi a hankali. Assad da Mamaki ya kasa sakesa, girgiza kai yake yana duban abokin nasa “How is this possible.. Waima ta ya haka zai kasance.. Mommy tai aborting cikin Safeenah akan idanunka.. But Safeenah is her daughter right..? Ta yaya zata uwa zata cutar da d’iyarta irin haka..?” Mu’azzam yaci gaba da jinjina kansa a hankali still yana duban gefe “Ta aiwatar da haka ne dan Ta d’auki fansa akaina, da duk abubuwan da na aikata masu itada Safeenah a cewarta..” Ya d’an maikaito yana duban Assad kafin yaci gaba da fad’in “Amma mai na aikata masu Assad..? Mai na aikata wa Mommy da tsanani da zata nuna min irin wann k’iyayya k’iri k’iri.. Shin kulle Safeenah da nayi ne lokacin da binciken mutuwar Ikram ya biyo kanta ko kuwa sakin da na mata akan idon Mommy ne..? Kodai auren da nayi ba tareda saninsu bane..? Assad cikin abinda na lissafo wanne ne yakai girman abinda Mommy Ta aikata mun.. Assad ban kashe mata kowa nata ba.. Maiyasa ta zab’i ta kashe bawa akan idona..? And bai tsaya a nan ba, yau d’in na kuma fahimtar wani abu gameda Mommy..” Yai fasali su duka biyun suna duban juna shida Assad kafin ya sanar da Assad dik abinda Musaddiq ya sanar dashi gameda Mommy. Mamaki da tsoron mutanen duniya ya kuma kama Assad. Yayinda Mu’azzam yaci gaba da fad’in “Assad matar nan tayi niyyan cutar da mahaifiyata bayan tsawon shekarun da ta d’iba da