Chapter 215

a halin yanzu.. Shekaru sunja amma shi gani yake Noor d’insa bata canza ba, itace dai wancan Noor d’in da ya tsinceta ya kuma ambaceta da *Haske*.... Kuka yaci k’arfin Daddy dake binta da kallo daga sama zuwa k’asa tayi shiga tsaf cikin tufafi irin na Larabawan k’asar Sudan.. Mu’azzam dake takowa da k’yar yana jin kaman bazai iya jan k’afafunsa ba.. Tsananin Shock d’in da ya tsinci kansa ciki baki Bazai iya fad’i ba. “Ma..Mam..Mamy.. Mamy.. It is you.. You.. You can walk again..!” Ya fad’i cikin tsananin rawar murya mai rarrabewa lokaci guda ya rungume mahaifiyarsa yana mai fashewa da wane irin kuka, kuka mai ban tausayi.. Kukan da ya jima tare cikin k’irjinsa.. Kukan da ya jima yana son ya fidda.. Kukan da ya tara for over 15years.. Yanda kasan k’aramin yaro haka ya rungume mahaifiyarsa yana kuka sosai kuka mai sauti wanda ya sanyaya jikin duk wani mahaluk’i dake wajen. Itama d’in rungumesa tai sosai tana kuka saidai nata kukan maras sauti ne ba kaman na Mu’azzam da ya kasance mai sauti ba wanda kowa ke iya sauraro. Ta tallafo fuskar Mu’azzam da har lokacin akwai alamun jini, Ta kai dubanta ga kafad’arsa yanda shima akwai alamun ciwo.. A hankali ta saka yatsarta tana goge jinin dake fita daga gefen bakinsa hawaye saman fuskarta, ba tare da ta furta komai ba take tallafe da fuskarsa tana ci gaba da goge masa hawayen fuskarsa da ya had’e da jini. Ya tallafi fuskarta shima yana dubanta hawaye naci gaba da gangaro masu Su duka biyun. “Mamy.....” ya kuma furtawa cikin tsananin rawar murya yana dubanta.. Sake rungumar mahaifiyarsa yai wani kukan na kuma kufce masa. Abun ne tamkar ba a zahiri ba tamkar dai a mafarki. Daddy da kansa ke kife, a hankali ya d’ago hawaye na gangaro masa yana duban Mu’azzam da mahaifiyarsa gwanin ban tausai. Kowa a wajen dubansu yake cikeda tausayawa hawaye na gangaro masu. Harta Uncle Salman dake tsaye gefe shima saida yai hawaye. Mama Hindu dake tsaye gefen Mamyn hawaye ne itama ke gangaro mata cikeda shauk’i... Kai harta Ajidde da tak’i jinin Kofur Zalimu saida taji hawaye na gangaro mata.. Dik son kallo irin na Ajidde balle ma ta tsinci kanta a gida irin wanda bata tab’a gani ba a zahiri kayan tausayin da taci karo dashi bai barta Ta tsaya kalle kalle ba. Allahu Akbar! Allah abin godiya, buwayarsa gagara misali. Yau ga Nuratu tsaye kan k’afafunta cikin gidan da akai mata lak’abi da GIDAN ARO. Farkawan da Mommy zatai sai ganinta tai kwance saman carpet a tsakiyar parlorn Daddy.. Ta soma d’ago kai tana duban mutanen dake zagaye da parlorn d’aya bayan d’aya. Fuskar Daddy Ta soma gani kafin ta dubi na Mu’azzam, ta dubi na Inne dake zaune daga can angle d’in, sann ta dubi Uncle Salman... Lokaci guda kuma Ta sauk’e dubanta kan Nuratu dake zaune gefen mijinta Mu’azzam na zaune daga k’asa gefen k’afar mahaifiyar tasa. Irin duban da Mommy taga yana mata yasa hanjin cikinta murd’awa. Mommy na zaune wajen sai ta soma k’ok’arin fashewa da kuka tana girgiza kai ganin yanda kowa ya zuba mata idanu alamun farkawarta ake jira. Tabbas yau rana ce na tonan asiri. Allah ka rabamu da jin kunya duniya da lahira. Ameen. Mommy ta aza hannayenta aka Ta soma kururuwa tana fad’in ta shiga uku. Sai kuma ta mik’e zataci gaba da hauka. Tana fad’in “Ba haya..! Ba haya zanyi.. Ku barni na fice kar na zuba a nan..!” Saidai ko gizau babu wanda ya motsa sai dubanta da suke. Wann karon Nuratu ce ta taso ta matso kusan Mommy daketa tsalle tana kame cikin Ta tana ihun ba haya. Ta saka hannayenta duka biyu ta rik’o hannayen Mommy dasu. Mommy ta Ware idanu tana duban Nuratu da yanda Ta rik’ota. Murmushi saman fuskar Nuratu take furta “Baki tunanin yayi kusa Hajara.. Yaushe garin ya waye balle har daren yayi..?” Cikin wane irin yanayi Mommy ke duban Nuratu dake murmushi tana rik’eda hannayenta. Tai yunk’urin cire hannayenta daga cikin na Nuratu amma saidai bata sakar mata ba. Ta tsareta sosai da idanu “Ni ce fah Hajara.. Kishiyarki da kika kwashe shekaru ak’alla shabiyar Kina d’awainiya da ita.. Maiyasa zakiji tsorona..? Maiyasa zakiji gujeni..? Ki kwantar da hankalinki Abubakar ya tafi gidansa na Gaskiya ya bar GIDAN ARO kuma bazai tab’a dawowa ba.. Ya tafi yanda dani dake da koma wanene bamuda haufin wataran duk zamu tafi..” Mommy ta girgiza kai cikeda daburcewa tana fad’in “Amm..Amma Maiyasa kika sanya fararen tufafi kika shigo motar sa.. Na tabbata Kinyi haka domin ki razaneni ki kuma fiddani daga gidana kaman yanda na fiddaki.” Ta fad’i cikin rawar murya irinta mai kuka. Aunty Nuratu Ta murmusa kafin tace “Allah sarki.. Ashe har akwai abinda zai baki tsoro a wann duniyar Hajara.? Lallai wann abu ba k’aramin abu bane.!” Mommy ta shiga girgiza girgiza kai tana hawaye “Bai kamata ki tashi ba Nuratu.. Boka yace tashinki na nufin kwanciyana ne.. Nuratu Maiyasa kika tashi bayan na mik’a ki ga masu magani na bogi, ‘Yan bori da rufa ido Wanda nakeda Tabbacin babu abinda maganinsu zai miki saidai ma ya k’ara miki kan uk’ubar da kike ciki.. Nuratu gidana da mijina sun haramceki Maiyasa kika dawo cikinsa.. Kin mance na fad’a miki gidana tamkar GIDAN ARO yake a wajenki zaki fice, kuma kin fice kaman yanda na miki alk’awari.. Amma ban miki alk’awarin zaki dawo cikin gidana ba Nuratu.!” Ta k’arashe tana girgiza kai hawaye d’aya na bin d’aya. Aunty Nuratu ta murmusa tana duban Mommy wacce itama d’in ita take duba suna fuskantar juna “Kin mance cewa waraka baya hannunki Hajara.. Na Allah ne mai yin yanda yaso dabayinsa.. Dani dake da duk wani abin halitta a GIDAN ARO muke Hajara.. Duk daren dad’ewa zamu tafi gidan da kikaita k’ok’arin turani, amma saidai Watak’ila lokacin tafiyan nawa ne baiyi ba.. Hajara, tsawon shekaru goma shabiyar da kika kwashe da sunan Kina min abinda duk akewa majinyaci, ina sauraronki da duk sunbatunki akaina.. Sann na rok’i Allah da ya nuna min ranan da zaki bud’e bakinki ki fad’i duk abubuwan da ki aikata ma ahalina kafin na bar GIDAN ARO..” Ta d’an juyo ta dubi Daddy daketa dubanta, Sai kuma ta maidoda dubanta ga Mommy tace “Ba gidan mijina ba. Ina nufin duniya, wanda dani dake da koma waye zamu bari dik daren dad’ewa.” Mommy Ta had’iyi miyau da k’yar tana mai rimtse idanu, tana jin wani abu kaman k’urji ya tokare mata mak’oshi. _WAIWAYE_ Tin bayan da Marwan ya auri Hajara babu wata aba mai suna soyayya tsakaninsu, dama auren nasu ba wai yana so bane ya kasance sai dan babu yanda ya iya da tayin da abokin Babansa yai masa wanda shine Baban Hajara. Marwan yakan kai aike Daga wajen mahaifinsa zuwaga Baban Hajara Malam Ba’i wanda shi dama baida wani k’arfi. Abinka da mutanen da, ga yawan alheri da kamanta rik’o da uzumunci tsakani da Allah... Yawan aike gidan da yake kaiwa daga wajen mahaifinsa zuwa wajen Baban Hajara dake Birnin Yola dan dama su Hajara a cikin garin Yola suke, a nan Hajara Ta k’yalla idanu akan Marwan, nan taji gidan duniyar nan babu wanda take so irin Marwan, shi kuma tinda