Chapter 228

Ta k’arashe cikin rawar murya. “Dama bata k’ullaceku ba.. Kin San maiyasa sabida bata yarda Bokanku da malaminku zasu iya cutar da ita ba face abinda Allah ya k’addara zai sameta.. Kije ki rok’i Ubangijinki gafara domin shi kuka sab’a.. Allah ya datar damu baki d’aya.” Hajiya Faty Ta kuma jinjina kai tana hawaye. Daidai lokacin driver d’inta ya k’araso dan Dama kusa yake. Ta kuma yima Mu’azzam godiya ta wuce. Shafe fuskarsa ya kumayi kafin ya shige motarsa ya d’auki hanyar gidansa. Wanka yai ya shirya cikin k’anan kaya kafin ya kuma fitowa ya d’auki hanyar Annoor Masjid dan yaji dad’in karatun da ya saurara wancan ranan, ya k’udiri niyyan da izinin Allah karatun bazai dinga shigesa ba, da yawan maza idan suka d’an girma suka zama samari sai kaga shikenan sun daina neman ilimin addini wanda wasu sam basu ma samu wadataccen ilimin addinin da k’uruciya ba. Ba’a girma ma neman ilimi musamman na addini.. Kar mutum ya shagala da neman duniya, ya kamata ya sami lokaci na musamman ya ware domin tanadi ma gidansa na Gaskiya. Tare dashi akai karatun bai bar masallacin ba sai bayan isha.. Daga nan kai tsaye gidan Daddy ya nufa. ** Umma tai K’uri tana duban Yayarta yanda ta gyara ma Kiki dake kwance saman gadonta kwanciyar nata, ta rufa mata bedcover tana shafa kan yarinyar a hankali cikeda tausayawa. Umma sai dubanta take tana murmushi tana tuno lokacin da suke yara yanda Aunty Nuratun Ke kula da Ita kaman dai yanda yanzu take kula da Kiki. Umma Ta bud’e murya tace “Baki canza ba Yaya.. Har yanzu Kina nan da zuciyarki mai kyau, Kina saka Farin cikin kowa a sama da Naki.. Sai na tuna a lokutan baya yanda kikaita d’awainiya dani.. Tin mahaifan mu suna da rai Kina kula dani sann ko bayan da basu nan baki fasa duk abinda kikeyi ba sai ma k’arawa da kikai.. Mu’azzam takes after you.. Bayan babu Ibrahim shi yaci gaba da kula damu..” Aunty Nuratu ta k’araso tana murmushi kafin ta kamo hannayen ‘Yaruwar nata cikin nata “Haka ya kamata mu kula da junanmu, wann shine cikan zumunci..” Ta d’anyi fasali kafin taci gaba da fad’in “Shin Kinsan Sadiya ta kula dani a lokacin da nake kwance a can Fufore.. Bansan dalili ba amma inajin nastuwa had’ida k’wanciyan hankali tattare da ita na d’an lokacin da mukai tare.. Ashe kusancinki ne nakeji a tareda ita.. Babu wanda ya kaini farin ciki da d’iyar ‘Yaruwata kuma mai sunana Ta zamto matar Mu’azzam.. Allah ya albarkacesu da Zuri’a d’ayyiba wanda mu dasu da al’umma baki d’aya zasu amfana dasu.” Umma ta kuma murmusawa kafin tace “Ameen Yaya..” Ta gyara mayafinta tana k’ok’arin mik’ewa. “Wai da gaske tafiya zakiyi Aysha.. Shin bazaki zauna a nan ba.. Su Asheer da Habeeb sai a kawo su nan duk ku zauna a nan gaba d’aya.” Umma ta murmusa kad’an tace “Bari dai al’amara su gama daidaita Yaya.. Da sannu zakiga Habeeb da Asheer, nima ba don naso zan tafi na barki ba..” Ta d’anyi fasali kafin taci gaba da fad’in “Kinga ga yanda yanayin gidan yake ciki komai a rikice.. Abubuwa suna kan faruwa, ya kamata mu baku sarari har Allah ya daidaita al’amran ahalin..” Aunty Nuratu ta murmusa kad’an kafin tace “Haka ne, kuma kawo Asheer da Habeeb a wann hatsaniyar da ake ciki bazai ma yaran dad’i ba duba da yanayin da ake ciki a gidan, ko Ina jami’an tsaro ga Hajara bamusan makomarta ba har yanzu dan babu alamun nadama tattareda ita. Allah dai ya iyar mana ya kawo mana k’arshen tashin hankalin nan.” Umma Ta amsa da Ameen Yaya. Daidai nan Aunty Larai tai sallama a k’ofa.. Mamy ta bata izinin shigowa.. Nan take sanar dasu Adnan na jiransu. Umma ta dubeta tace “Sadiya fah.?” “Bacci take can b’angaren Inne.. Inne tace a barta kar a tada ita.” Umma ta girgiza kai kad’an tace “Oh shikenan tanata yawo tsakani, daga gidanta ta tafi can yanzu kuma ta taho nan..” Aunty Nuratu ta katseta da fad’in “Nan da can da gidan nata duk d’aya ne.. A k’yalemun d’iyata dan dama ko zarafin gaisuwa bamu samu ba balle muyi hiran yaushe rabo.. Kudai kuje abinku ku bar mana ita a nan..” Umma ta d’an girgiza kai kad’an tana furta “Shikenan Dama d’iyarki ce kunfi kusa.” Suka d’an murmusa gaba d’aya kafin suka nufo waje suna kuma sallama da juna kaman kar Su rabu. ** Tsaye yai k’ofan store d’in da Mommy Ke kulle yana sauraron surutanta. “Dan Allah kuyi hak’uri.. Wayyo hannu na.. Wayyo Kaina..! Wayyo bayana.. Kar ku tab’ani.. Wayyo.!” Ta kuma sakin wani ihun. Mu’azzam yana bud’e k’ofar ya hango Mommy tsugune tana rok’on a k’yaleta. Amma da shike gogaggiya ce tana ganinsa sai ta d’auke kai gefe tana sakin huci. “Fito” ya Fad’i daga nan yanda yake tsaye. “Mahaukaciya ce ni da zan fito ka sunkuceni ka tafi dani ofishinku.. Tsaf nasan a Rashin mutuncinka zaka aika Mu’azzam.” Jinjina kansa yai kad’an kafin ya soma k’ok’arin janyo k’ofar.. Da sauri ta rik’e k’ofar ta fito tana fad’in “Nuratu ce tamin turen makarai dan su hanani zaman Gidan nan.. Kuma wllhi bazan fice daga gidan nan ba.. Zama daram babu uban da ya isa ya fitar dani.. Yo ko Marwan wllhi bai isa ya fiddani ba balle Nuratu.” “Idan basu fitar dake ba dama ni zan fitar dake.” Ya bata amsa daga nan yanda yake tsaye. Ta murmusa kad’an tana dubansa tsegege “Zaka fitar damu dai.. Dan kana kamani zaka kama kakarka.. Yo ai itace mai laifi.. Nikam burin Marwan da Nuratu na cika zasu samu daman kasancewa k’ark’ashin inuwa guda bayan amanarsu da mahaifinka yaci.. Mai za’ai da ahali irin wann wanda banda ‘yantadda da maciya amana babu komai cikinsu.. Kakarka criminal Babanka betrayal wanda yaci amana D’anuwansa.!” “Ya isheki.. Ya isheki haka..!” Ya dakatar da ita cikin tsnanin fuci. Lokaci guda yaci gaba da nunata da ‘yar yatsa “Don’t you dare mention my Dad..! Kar ki sake.!” Mommy ta rakasa da harara yanda yasa kai ya fice cikin sauri. Dogon tsuka taja kafin ta nufi saman Daddy tana fad’in “Na rantse da Allah Marwan baka isa kaci amanata da Nuratu ba.. Ina nan na kasa na tsare.. D’akinka ma zan shige na jira shigowarku ayi komai akan idona. Maciya amanan banza.!” Ta k’arashe tana mai tura k’ofar d’akin Daddy. * Mu’azzam na ficewa ya k’arasa saman kujerun shak’atawa dake a haraban gidan, yai zaune yana tunanin maganganun Mommy, Babansa maci amana ne yaci amanan D’anuwansa.. Ya saka tafukan hannayensa duka biyu yana mai shafe fuskarsa dasu. Daddy shine asalin masoyin mahaifiyarsa amma sai Dad d’insa ya aureta.. Shin da gaske Dad d’insa maci amana ne..? Bai kaiga samo amsar ba yaji hannun mutum saman kafad’arsa. D’agowa yai yana duban Daddy dake tsaye saman kansa. Bai iya furta komai ba Sai sadda kansa k’asa da yai. Daddy ya zauna gefensa kad’an yana mai d’aga kai sama had’ida duban hasken Farin wata da ya fito tarau. Suka b’ata lokaci a haka kafin Daddy ya soma fad’in “Shin kasan ko wani namiji ana halittan matansa ne daga ribs d’insa.?” Mu’azzam ya d’ago ya dubi Daddy da mamaki dan gani yake kaman Daddy ya fahimci tunanin mai