Chapter 180

kasa komai sai duban likitan yake full of surprise. Yayinda Aunty Larai wacce ta gaza b’oye Farin cikinta ta shiga tambayan likitan ta ina d’akin da aka kwantar da Sadiyar yake. Dr yai mata nuni da hannu yana mata bayani. Aunty Larai ta shige murna fal zuciyarta. Ya dawo da dubansa ga Mu’azzam da har lokacin ke tsaye wajen kaman an dasa.. Labari mai dad’i a tsakankanin tashin hankali.. Wai Sadiya nada ciki.. Ikon Allah, Mommy Ta cire cikin Safeenah gaban idanunsa Sai ga wann labari da ya riskesa tun kafin wayewar gari.. Allah kenan mai gudanar da al’amarinsa yanda yaso. “Thank you for this wonderful news Dr..” Mu’azzam ya fad’i yana mik’awa likitan hannu sukai masabaha. Dr ya jinjina kai murmushi saman fuskarsa “Congratulations once again.. And please a dinga kula da cin abincinta da abinda take so.” Ya k’arashe da d’an zolaya. Murmusawa Mu’azzam yai yana jinjina kai “Za’a kiyaye in sha Allah Dr.. Can I see my wife..?” Dr ya jinjina kai yana mai nuna masa hanya “This way please.” Mu’azzam ya kuma masa godiya kafin ya nufi d’akin. Kwance ya hangota saman gado drip d’aure hannunta na hagu. Aunty Larai Ta dubesa da murmushi yanda yake takowa cikin d’akin “A’a Inspector an shigo.?” Ya murmusa kad’an yana gaidata. Ta amsa cikeda fari’a tana k’arawa da “Aaah lallai mission yayi kyau, Masha Allahu..” Ya sadda kansa kad’an yana d’an shafa kai. Murmushin bai bar saman fuskarsa ba. Aunty Larai taci gaba da fad’in “Masha Allah.. Ubangiji ya sanya masu albarka.. Allah ya rabasu lafiya yasa a haifo masu albarka.” Ya d’an duk’ar da kai kad’an yana amsawa da “Ameen Aunty..” idanunsa naga Sadiya wacce ke kwance tana shan drip idanunta a rufe irin na mai bacci, fuskar nata har ya d’anyi fayau dashi. Aunty Larai ta mik’e tana fad’in “Barin duba Assad a waje, ga kujera k’araso ka zauna.” Godiya ya d’an mata kafin ta fice ta barsa da Sadiya. Ya janyo kujeran dab jikin gadon nata kafin ya zauna yana mai kamo hannunta maras cannula. Ya sumbaci hannun nata yana mai lumshe idanu a hankali. Dikda nauyin da k’irjinsa ya masa sai yana jin wane irin annashuwa da Farin ciki na fuzgansa. Ya kuma bud’e idanunsa ya bud’esu tar kanta. A hankali ya d’aura d’aya hannun nasa yana shafan goshinta zuwa saman sumarta kad’an.. Sai kuma yakai dubansa ga shafeffen cikinta wanda kaman babu komai cikinsa, ya tuna yanda Mommy ta sanar dashi labarin cikin Safeenah da kuma yanda ta cire cikin akan idanunsa, take yaji wani abu kaman k’walla na yunk’urin ciko idanunsa. Ya matso a hankali yana mai kai hannu saman flat tummy d’in nata. A hankali ya janye rigarta kad’an ya soma shafa saman mararta yana kuma jin k’walla na ciko idanunsa. Kwantar da kansa yai gefenta had’ida lumshe idanunsa, still hannunsa saman cikinta yana shafawa yana tuna abubuwan da suka faru a rayuwarsa daki daki.. Sosai yake so yayi kuka, sosai yake so ya fitar da tarin damuwan dake k’unshe cikin zuciyarsa. Yayinda Sadiya taji kaman mutum na shafata cikin baccin nata. A hankali ta soma bud’e idanunta da sukai matuk’ar mata nauyi. Ta Ware idanun nata tas tana dubansa yanda ya kwantar da nasa kan gefen jikinta. Take ta soma tuna abubuwan da suka faru. Taji kuka na zuwa mata.. Yunk’urin da tai da zummar mik’ewa zaune yasa Mu’azzam ya fahimci ta farka daga baccin nata. Saurin mik’ewa yai zaune yana dubanta, suna had’a ido taji kuka gadan gadan na zuwa mata. Nan kaw ta fashe masa da kuka tana k’ok’arin turesa daga jikinta. Bai saketa ba saima manne kanta cikin k’irjinsa da yai.. SameenaAleeyou📚 *GIDAN ARO* *66* *©️Sameena Aleeyou...✍🏽* Bai saketa ba dikda kiciniyar da take na k’ok’arin cire jikin nata daga cikin nasa, saima dad’a rungume kanta da yai cikin k’irjinsa yana k’ok’arin calming d’inta. Ta daina kiciniyar da take Tai lamo cikin k’irjin nasa tana fitar da sautin kukan hankali. “Ni ka sakarni..”Ta fad’i cikin muryar kuka. Sumar kanta yake shafawa a hankali kafin ya sumbaci kan nata yana mai lumshe idanunsa “Why haven’t you told me Beautiful..? Maiyasa baki sanar dani ba, that you are carrying my child.” Saida taji k’irjinta ya buga da jin abinda yace, ta shiga tuna waima fah a asibiti ta tsinci kanta.. She fainted and they rushed her to the hospital.. Wai tanada ciki..? Sai kuma ta soma tunanin sabida Safeenah nada ciki ne yai mata duk abinda ya mata.. Wato yanzu itama da aka ce tanada ciki shine ya wani d’ibo k’afa yazo bayan da ya fita sha’aninta.. Kenan sabida cikin yazo.. Da ace batada cikin bazai tab’a waiwayanta ba. Gaba d’aya sai taji bata d’aukin cikin ma. Bai saketa ba tana nan cikin k’irjinsa taji hannunsa guda saman mararta yana shafawa a hankali yana furta “Nasan Kema baki sani ba sai wann lokacin right.” Ya d’anyi fasali kafin yaci gaba da fad’in “Beautiful zamu zama iyaye.. Our Baby is in here.. Kina son Babyn..?” Ya k’arashe cikin wane irin siga mai kashe mata jiki lak’was. Mu’azzam gwani ne wajen mantar da mace damuwa harma Ta mance fushi take dashi dukda kuwa zafin da yake dashi, idan suka kad’aice su biyun gaba d’aya mancewa take da cewa shine wancan Inspector mai tsananin tsaurin da ta soma had’uwa dashi.. Ita batai niyyan komawa gidansa yanzu ba balle ma data fahimci sabida wann cikin yake nuna kulawarsa akanta.. Wato da ace dai batada ciki da har yanzu yana can wajen Safeenah bazai ko waiwayeta ba. Aiko bazata koma ba idan dai dan cikin jikinta ne ya waiwayeta. Ta tura hannunsa daga jikinta tana girgiza kai alamun a’a “Ni bana so.. Kuma dan Allah ka fice ni ka k’yaleni..” Yanda tai maganar cikin fushi ne sosai wanda har saida ya tunowa Mu’azzam lokacin da take Sady Pretty d’inta, lokacin da yai mata lak’abi da Stubborn head, a ransa yace ‘Abin ya motsa, dama yaya lafiyar kura balle taci nama..’ Yasan halin kayansa balle kuma ga attitude na masu ciki. Bai tak’ura ba, ya d’an janye jikinsa kad’an yana fad’in “Allah huci ran Maman Biyu..” Ya k’arashe yana gyara mata zaman hannunta mai cannula. Ta d’an hararesa kad’an baki a ture jin sunan da ya kirata dashi. “Akwai abinda kike so kici ne..?” Ya tambaya yana dubanta. Ta mak’e masa kafad’a “Ni bana son komai.. Kuma ni bazanci koma ba, Kawai ni ka tashi ka tafi ka koma yanda ka fito..” Da Mamaki yake dubanta yanda taketa fushi, Sai kuma ya tsime kad’an wann karon “Dole zakici abinci.. Bakiji abinda Dr yace bane.? Kan wane dalili zaki dinga zama da yunwa..? Baki San ba ke kad’ai bace.. What if something bad happens to either of you, and especially the Baby..” Yai fasali yana jinjina kansa kad’an kafin yaci gaba da fad’in “I know how stubborn you can be Sadiya. Kar ki kuskura.. Kinji na fad’a miki..!” Yanda Yai maganar cikeda gargad’i. Shi Gaba d’aya tinda ya rasa cikin Safeenah akan idanunsa sai yana ganin kaman zai kuma rasa na Sadiya ne. Kuka ne taji na kuma zuwa mata, Wato dai sabida D’an cikinta ya waiwayeta.. Gashi har yana mata fad’a da kashedi kan cikin.. Ita gani take gaba d’aya ya sauya mata.. Da gaske yafi