Chapter 191

ya dinga tuna yanda tin tasowarsa basa jituwa da Uncle Salman, kaman dama tun can Uncle Salman baya wani k’aunarsa, shi zai iya cewa bayan gaisuwa babu abinda yake kuma had’asu sai lokacin da yaje masa da buk’atan karb’ar masa auren Sadiya da yai. A hankali yake jinjina kai cikin zuciyarsa yana fad’in sannu da zuwa Uncle. Zaka amsa min duka tambayoyi na kafin gari ya waye.. Yana tsaka da duban motar suka ida parking saidai hango mutum da yai zaune gidan baya ya sanyasa gyara tsayuwarsa sosai yana kuma duban bayan motar wanda ba kowa ya hango ciki ba face Inne. A fili ya furta “Inne.?” Cikin zuciyarsa yaci gaba da fad’in toh mai ya kawo Inne.. Maiyasa ta taho.? Daidai lokaci suka soma fitowa daga motar securities d’in gidan dake zaune gefe dan an hutasarsu ‘Yansanda ke tsaron gidan, suka soma nufosu suna kwasan gaisuwa had’ida masu sannu da zuwa. Har lokacin Mu’azzam na tsaye daga yanda yake yana dubansu. Abin ya bawa Inne mamaki ganin Mu’azzam bai K’araso ba. A hankali take sauk’owa daga motar tana fad’in “Ikon Allah.. Shi kuma wancan mai D’amaran yana kallon mutane yana tsaye wajen kaman an dasa Sa..? Koda yake dama D’ansanda ne..” Uncle Salman ya taho da niyyan taimaka mata saidai hakan yai dai dai da k’arasowar Mu’azzam murmushi saman fusakrsa. Inne ta d’ago tana duban Mu’azzam d’in da tuni ya tallafo hannunta guda yana mai taimaka mata “Ai cewa nake daga can zaka tsaya kaita kallonmu kaman mai d’aukan hoto ba camera bazaka Zo ka tarbeni ba.” Ya kuma murmusawa kad’an yana fad’in “Ni na isa ban taho na tarbeki ba Inne.. Sannu da zuwa Inne na.” Ya k’arashe hannunsa cikin nata. Ta amsa masa tana karantarsa lokaci guda suna ci gaba da gaisawa, Mu’azzam yakai dubansa ga Uncle Salman wanda shima Mu’azzam d’in yake duba cikeda kulawa, saidai fuskarsa babu yabo babu fallasa. “Sannu da zuwa, Uncle.” Mu’azzam ya fad’i a tak’aice gudun kar Inne ta d’ago wani abu. Uncle Salman ya amsa masa kaman ko yaushe fuska ba yabo. Mu’azzam na rik’e da hannun Inne guda suka nufi cikin gidan tana fad’in “Yo mi wad’annan masu zanzaron suke k’ofar gidan.. Gida ya koma saikace Barikin ‘Yansanda “Inji komai lafiya a gidan.. Ina Baban naku Marwan yake..?” A jere take kan jefowa Mu’azzam tanbayoyi kafin ya amsa guda Ta jefo masa wani. Nan suka had’u da Musaddiq a hanyar shiga cikin gidan. Shi kaw Uncle Salman yana biye dasu ne kawai amma jikinsa ya basa wani babban Al’amari na faruwa tinda yaga irin duban da Mu’azzam yai masa. Mommy kaw daga window take lek’ensu, zuciyarta ya tsananta tsinkewa Ganin harda Inne Uncle Salman ya taho.. Wato dai Mu’azzam ya shirya ma wann ranan. Ya rantse Sai ya tsige gaskiya.. Aiko wann gaskiya da yake k’ok’arin tsagewa ba komai zai haifar masa ba face tarwatsewarsa da rushewar ahalinsa. Ta murmusa kad’an tana jinjina kai kafin Ta furta a fili “Yayi kyau.. Da kyau Mu’azzam Gamji, da alama dai abinda zaka tono shi zai ajalin wann jarabebbiyar tsohuwar Wato Kakarka Inne..” Ta kuma murmusawa kafin Ta isa jikin wardrobe d’inta sai waige waige take. A hankali ta bud’e ta tura hannunta ta ciro wani k’aramin akwati ta, ta k’arasa ta danna ma d’akin nata makulli kafin ta dawo saman gado ta zauna, bud’e akwatin tai wani hoto ya bayyana, hoton wani mutumi ne matashi. Ta ciro hoton tana murmushi “Bansan meye alak’arka da ahalin Gamji ba, amma saidai na tsinci wann hoto naka ne a cikin Takardan yarjejeniyar BAT.. Yarjejeniyar da Abubakar Gamji ya rubuta.. Na shafe tsawon shekaru Ina ajiye da hotonka, nayi k’udirin sai na nemo ko Wanene kai.. Na kuma cika k’udirana na samoka, sann na kawar da kai dan mai yuwa kaima kanada alak’a da Ahalin Gamji ne.. Kaine mahaifin Yarinyar da Mu’azzam ya aura wacce na tura Sagir domin ya nemi aurenta, aka samu akasi Mu’azzam ya zamto mijin yarinyar.. Ban tsara haka ba, watak’ila da Mu’azzam bai auri yarinyar ba da yanzu baka mutu ba.. Ka mutu bansan mecece alak’arka da Abubakar Gamji ba da har ya saka hotonka cikin takardan Yarjejeniyar.. A ina ya sanka..? A ina ya samo hotonka..? Toh kodai kaima kanada Gadon mahaifinsu ne.? Kodai kaima D’an ahalinsu ne..? Ya akai Abubakar Gamji ya samu hotonka..? Toh amma kai d’in ba daga yankinsu ka fito ba.. Bakada wata alak’a na jini tsakaninka da Gamji family a iyaka binciken da nayi..!” Ta d’anyi fasali kafin ta mik’e tsaye still tana rik’e da hoton, lokaci guda taci gaba da furta “Menene alak’arka da ahalin Gamji..?” Take zuciyarta ta bata amsa da fad’in ‘Sanin alak’arsa da ahalin baida wani amfani a halin yanzu tinda ya riga ya mutu an kawar da nasa babin idan ma nada alak’a da dukiyar ne bazai tab’a cimmata ba tinda ya mutu kuma ga dukkan alamun bayan mahaifin Mu’azzam ke kad’ai ce kika San mutumin nada alak’a da ahalin..’ Ta sauk’e ajiyan zuciya a hankali kafin ta juya bayan hoton Wanda aka rubuta haruffan BAT a bayan hoton.. “Shin Yarjejeniyar nada alak’a da kai ne..?!” Ta tambayi kanta a fili kafin ta sauk’e ajiyan zuciya ta maida hoton cikin akwatin ta rufe. Knocking da taji a k’ofarta ne ya sanyata saurin saita kanta, Ta marairaice fuska tai kalan tausayi kafin Ta k’arasa tabud’e k’ofar. Kiki ce mai knocking d’in, Mommy Ta dubeta kad’an kafin ta sakar mata murmushi. Kiki ta isa ta rungume mahaifiyar tata cikeda tausayawa. “Mommy haka zakiyita zama a d’aki ke kad’ai, Mommy abinda ya faru ya riga ya faru, dama tun can Allah ya k’addara cikin Addah Safeenah ba mai zama bane.. Mommy ki daina kulle kanki a d’aki Kina kuka musamman yanzu da Inne tazo zata fahimci wani abu.” Mommy Ta murmusa kad’an kafin ta shafi kan Kiki tace “Karima kunyarku nakeji gaba d’aya, abinda nai ma Safeenah ban kyauta ba yanzu gashi Safeenah tana asibitin mahaukata dik ta dalilin abinda nai mata..” Wani kukan ya kuma kufce mata. Kiki ta fad’a jikin Mommy suna kukan tare. Da k’yar kukan Mommy ya tsagaita har saida Kiki taita lallashinta tana bata baki. Kiki ta goge fuskarta tace “Inne tazo tana sashenta, idan bazaki iya zuwa gaisheta ke kad’anki ba muje ni zan rakaki Mommy.” Mommy ta dubi Kiki ta murmusa tana mai kuma goge hawayenta kafin tace “Ba komai Kiki, zan iya zuwa.. Amma saidai bansan da wane ido zan dubi Kakarku ba, gani nake kaman zata fahimci na cire cikin Safeenah.. Kuma idan ta tambayi Ina Safeenah take mai zance mata..?” Kiki tai sauri tace “Ce mata zakiyi tana gidanta da Ya Mu’azzam..” Mommy ta murmusa kad’an kafin tace “Idan Mu’azzam yace bai maidata ba fah..?” Kiki ta d’anyi shiru sai kuma ta girgiza kai tace “Mommy nasan Ya Mu’azzam idan har yaji kince Safeenah na can gidansa bazai musa ba, bazai ce komai ma Inne ba.. Mommy ba kece kika haifi Ya Mu’azzam ba amma na tabbata shid’in uwa ya d’aukeki ke kisan da haka..” Mommy ta jinjina kai a hanakali kafin tace “Shiyasa nake jin ciwon abinda nai masa, sharrin zuciya batada kyau.. Wllhi ina nadaman cire cikin Safeenah da nai akan idanun Mu’azzam dik sabida burin fansar abinda ya aikata