Chapter 199

muma munsan watarana za’a Zo a tafi damu tinda an kwashe da dama an tafi dasu akan idanunmu.. Mukai yunk’urin guduwa nida Yayata amma sai wasu k’artan maza suka kamamu.. Mutumin yace tinda guduwa zamuyi ya kamata a tafi damu kafin mu masa asara.. Washe gari akazo da Mota aka d’aukemu aka kaimu tashan jirgin ruwa.. Haka aka sakamu a wann jirgin ruwan nida Yayata da wasu ‘Yanmatan.. Mun shafe kusan sati muna Yawo saman teku muka yada zango a wasu k’asashe har kusan uku da bamu San ko wasu k’asashe bane dan an b’oye mu ne can wani d’aki a k’ark’ashin jirgin ruwan.. Duk k’asar da muka tsaya sai muga an shigo da wasu ‘Yanmatan ma’ana dai wasu daga cikin k’asashen Africa muke zagayawa ana kwasan ‘Yanmatan. Dik k’asar da muka tsaya idan aka shigo da ‘Yanmatan sai a d’aura mata alama na wani coin a jelar kitsonta kaman yanda muma suka d’aura mana nida Yayata sann sun d’aura ma ko wacce daga cikinmu wann alama na coin a bakin kitsonta wanda nake da tabbacin shaida sukai mana.. Tsoro bai sakemu ba Yayata tana rungume dani.. Dik rana biredi guda ake bawa ko waccenmu a cikin wann jirgin ruwan shine abincin da zamuci.. Wasu lokuta haka Yayata take hana cikinta Ta bani nata kason.. A haka muka tsinci tattaunawan wasu ma’aikatan jirgin ruwan ana cinikinmu kaman wasu bayi.. Nan mukaji cewa K’asar turai zasu fice damu ‘Yanmatan da suka d’an data daga cikinmu zasu yi amfani dasu su dinga kawo masu kud’i dan mazan turawa suna son matayen Africa sann K’anana irina kenan zasu saida wasu b’angare na jikkunansu akan kud’i mai yawa.. Wasu zasu saida k’odansu dama duk wani organ mai amfani na jikin D’anadam.. Hankalin Yayana ya tashi musamman da Ta fahimci cewa nima naji tattaunawan mutanen.. Na soma kuka Ina fad’in zasu kashemu.. Ta rungumeni tana kuka tana fad’in Allah bazai nasu nasara akanmu ba da izinin Allah.. Tace dani nai shiru kar na nuna naji tattaunawar su da sannu Allah zai kub’utar damu.. Aiko bamu ida wann tunanin ba muka soma sinkayo harbin bindiga ashe Jami’an tsaro ne suke bibiyan wann jirgin ruwan.. A haka suka soma bud’emu suna son transferring namu zuwa wani jirgin suna fad’in ga jami’an tsaro.. A haka suna bata kashi tsakaninsu da jami’an tsaron muka samu zamu arce gudu muke suna biye damu.. A haka muna cikin gudu nida Yayata muka had’u da wani mutumi shima gudu yake kowa na Ta kansa.. Yayata Ta a tambayi mutumin ko wata k’asa ce wann sai mutumin yace mata nan k’asar Nigeria ne kuma jihar Lagos.. Muna gudu mutumin yake tambayarmu mu kuma daga Ina muke.. Yayata tace masa sato mu akai daga K’asarmu Eritrea.. Sai ta tambayesa shi kuma mai yake a nan.. Saurayin yace shi daga Arewacin Nigeria yake zuwa jihar Lagos suna kawo fatu na dababbi ana fitar dasu k’asashen waje Ta jirgin ruwa.. Muka ci gaba da gudu na kasa gudu sabida ba wani k’oshin lafiya bane dani.. Sai saurayin ya d’aukeni ya azani a bayansa yana fad’in muci gaba da gudu kar mutanen Su cimmamu.. Muna cikin gudu muka hangi mutanen suna biyomu a guje suna fad’in ko mu tsaya ko su harbemu.. Yayata Ta karaya dan bata fata mutanen su kama ‘Yaruwarta bata fata wad’ann azzaluman su cutar dani ‘Yaruwarta.. Sai Yayata ta dakata da gudun, ta dubi matashin mutumin wanda a lokacin bazai gaza shekaru 24 ba tace dashi Bawan Allah ga amanan ‘Yaruwata ka taimaka ka tseratar mun da ita daga hannun azzaluman nan.. Bansan ko zamu sake had’uwa a gaba ba.. Amma ga amanan ‘Yaruwata na bar maka.. Wann saurayi mai Sana’an Safaran Fatun dabbobi daga arewacin k’asar nan zuwa kudanci mai suna Ibrahim ya amsa amanar da ‘Yaruwata Ta bashi muna kuka daga ni har ‘Yaruwata.. ‘Yaruwata tace mecece alama da zanyi amfani da ita na iya ganeka gaba idan Allah ya nufa zamu sake had’uwa.. Sai Matashin ya ciro hoto cikin aljihunsa ya mik’a mata yace wann hoto na ne bansan wata shaida ko alama da zan baki ba amma ki rik’e wann hoton nawa ki nemeni da ita a gaba.. Yayata Ta amsa hoton tana hawaye tana masa Godiya. Ina gani Ta k’ulle hoton Ibrahim cikin zaninta kafin mukaci gaba da gudu nida Ibrahim.. Juyawan da zamuyi muka hangi ‘Yantaddan nan sun kame Yayata sun jefata cikin jirgin ruwan.. Suna jefata kuwa muka hangi wuta ya tashi a cikin jirgin ruwan dan dama bata kashi suke tsakaninsu da jami’an tsaro...!” Umma taci gaba da hawaye yayinda Aunty Larai ke hawaye.. Umma taci gaba da fad’in “Akan idona jirgin ruwan da Yayata ke ciki ya kama da wuta.. Ibrahim yaci gaba da gudu dani Ina fad’in ya k’yaleni naje na duba Yayata amma bai sakar ni ba, haka ya dinga gudu dani Ina kuka yana lallashina.. A haka Ibrahim ya tseratar dani da taimakon Allah amma alhinin rashin ‘Yaruwata yana nan tare dani.. Ya kawo ni garinsu Birnin Kebbi yanda ‘Yanuwansa sukai masa chaa da fad’in Ina ya samo yarinya.. Ibrahim ya sanar dasu cewa ni d’in amana ce a gareshi.. Babu yanda danginsa basuyi ba cewa ya fitar masu dani a cikin gida dan basu San daga wata duniya nake ba amma fir Ibrahim yak’i aminta yace idan zasu koreni saidai Su had’a dashi.. Ba dan sun so ba suka k’yaleni Sai dan Ibrahim ya dage cewa ni d’in amanarsa ce kuma zai rik’eni amana kaman yanda yaima ‘Yaruwata alk’awari.. A nan gidansu Ibrahim da shike family house ne kuma iyayensa sun rasu dangi ke rik’e dashi a nan suka saka min suna Uwani dan sunana Wato Aisha sunan Kakarsu Ibrahim ne sai suna kirana da Unwani.. Aka Zo za’a saka yara sa’annina a makaranta a nan family house d’in su Ibrahim d’in, kowa ya saka d’ansa a makaranta amma ni babu wanda ya waiwayeni balle ya sakani.. Wariya babu irin wacce ba’a nuna min amma haka Ibrahim yake lallashina yace nai hak’uri wataran komai zai wuce kuma nima zanyi karatu kaman ko wacce yarinya a cikin gidan.. Haka da ‘Yar sana’arsa Ta safaran Fatun dabobbi ya samu ya tara ‘Yan kud’ad’e ya sakani a makaranta.. Harta da tufafi babu mai saya min a dangin komai shi yake mun, wajen kwana da abinci kawai suke bani suma d’in sai nasha gori.. A haka suka soma bijiro ma Ibrahim da maganar aure lokacin ni ina k’arama ban wani girma sosai ba tinda dama ya d’an fini da shekaru masu d’an yawa.. Akwai wata d’iyarsu a cikin gidan da suke son had’asu auren Dangi Amma sam Ibrahim yak’i amincewa yace dasu shi baida lokacin aure kula dani yake ba aure bane a gabansa, kula da amanarsa yake.. Wann soyayya da kula da Ibrahim ke nuna mun yasa suka k’ara tsanata k’arshe suka ce saidai na fice masu a zuriya nasan yanda dare yamun Wai zan raba masu kan ahali sabida Ibrahim yaro ne mai biyayya amma bai tab’a bijire masu ba sai akaina.. Sukace ya zab’a ko su ko ni.. Ibrahim yace ya zab’eni zai aureni kuma zaici gaba da kula dani.. A haka akai aurenmu da k’uruciyata.. Ibrahim ya d’aukeni ya taho dani garin Suleja yanda yake bugabugansa..” Muryar Umma yaci gaba