Chapter 217

Ta gaji da rayuwa dashi kaman hoto a cikin gida.. Ko hira basayi saidai idan ta buk’aci hakkinta ya bata.. Sann idan ba itace Ta kawo masa kanta ba bazai tab’a nemanta ba.. Ta kula ba don girman nauyin sauk’e hakki ba ma da bazai dinga kusantarta Ta ba.. Ta kula kaman auren manufa yayi da ita ba wai auren soyayya ba. Dan komai na jin dad’in rayuwa gashi nan amma babu d’igon soyayyar miji wanda take jin sonsa kaman zai hallak’ata. Ita ko a labarai bata tab’a cin karo da irin mijinta ba, mutumin da zasu rayu k’ark’ashin kalmar aure ko magana baya shiga tsakaninsu kuma ba wai gaba yake da ita ba, idan ba ita ta tambayesa abu ba toh ko Shekara za’ai a haka bazaiji muryar Marwan ba. Amsar da yake bata ko yaushe shi ya sake bata cewa babu komai sann yaci gaba da aikinsa. Hajara ta mik’e tana hawaye. Tana jin jinjirarta Safeenah na kuka amma tak’i tabi takanta.. Aiko nan taga Marwan ya shigo ya d’auki d’iyarsa yana lallashi dan dik wann rashin kulata da Marwan keyi baya haka da yaransa. Sosai yake nuna masu k’auna tare dasu ne ma take ganin murmushinsa mai mugun kasheta. Nan ta fahimci Lagon Marwan ‘Ya’yansa ne tai k’wafa tace zatai amfani da yaran nasa taji cikinsa da yake b’oye mata tsawon shekaru. A haka wani rana ta k’yale Safeenah tana rarrafe ta kusan kama Dustin guga mai zafi.. A ranan taga b’acin ran Marwan irin wanda bata tab’a gani ba.. Ta fashe da kuka tana fad’in idan yana son ta kular masa da yaransa yanda ya kamata itama sai ya kular da ita yanda ya kamata. Taci gaba da fad’in “Ba fita k’asashen waje bane kawai.. Ba shiga jirgi da motoci masu tsada ba.. Nima Ina son kula daga wajen mijina kaman yanda ko wace mace ke samu.. Ka duba Hamma da Nuratu idan mukaje Fufore kaman zasu had’iye juna amma mu kaman mak’iya aka ajiye..” Sunan Nuratu da Ta ambata yasa Marwan daka mata tsawa da fad’in “Ya isheki Hajara..!” Lokaci guda yaci gaba da jinjina kai yana fad’in “Na baki duk iya Farin cikin da zan baki Hajara.. Bazan iya baki fin haka ba.. Kinsan dalili..? Dalili shine Zuciyar babu wani Haske na soyayyar wata d’iya mace..Ni Marwan na rufe wann babin.. Ita d’aya ce wann Hasken.. Kuma haskenta ya disashe.. Har abada ya disashe..! Kin fahimta..” Ya k’arashe siririyar hawaye na gangaro masa. Hajara Ta shiga jinjina kai tana ayyanawa cikin zuciyarta, kenan akwai wata mace kwance a Zuciyar mijinta.. Toh wacece wann Hasken da Marwan yake magana akai..? Lallai ya zama dole ta nemo wann matar.. A haka akaci gaba da rayuwa Hajara da mijinta babu abinda ya canza. Yayinda a b’angaren Nuratu da nata mijin zallan soyayya da k’auna mai tsafta suke nunama juna. Marwan baya zuwa Fufore sai sallah ko wani hidima idan ya taso. Hajara duk na hankalce dashi, Ta kula dik kula da take ganin yana bawa yaransu a bayan wanda yake Bawa D’an Hamma mai suna Mu’azzam ne. Muddin sukazo garin Yaron na wajen Marwan ne. Wane irin soyayya maras misaltuwa yake yima yaron. Abin ya soma damun Hajara nan ma.. Sann ta kula indai Nuratu tana waje toh Marwan bai faye zama ba. Sosai Hajara ta saka idanu kan duk wani movement d’in mijin nata tana karantarsa. A b’angaren su Nuratu kuwa ma iya cewa damuwarsu bai wuce wani hoto da sisin kobo da suka tsinta tattareda ita ba ita da mijin nata. Gashi bata iya tuna komai balle ta tuna a yanda Ta samesu, saidai daga ita har Abubakar sunfi alak’anta hoton da mai yuwa itada mutumin cikin hoton sunada alak’a. Haka Nuratu take zama ta saka hoton a gaba tana kallo, taita juya sisin kobon ko zata tuna wani abu amma shiru bata iya tunawa. Sosai ganinta cikin damuwan yake d’aga hankalin Abubakar dan idan ka cire wann shida matarsa basuda wata matsala, sai matsalar D’anuwansa Salman da ya addabesa da cewa ya cinye masu dukiya yayi k’ak’a gida akan komai tinda mahaifinsu ya rasu. Abubakar ya dubi Nuratu dake rik’e da hoton tana juyawa had’ida sisin kobon. Lokaci guda ya kamo hannayenta yace “Zan nemo shi da izinin Allah.. Zan nemo wann mutumin da kike kyautata zaton zai iya zama D’anuwanki ko dai yanada masaniya gameda ahalinki da kuma yanda kika fito.. Amma wann sisin kobon shine key d’inmu.. Shine mabud’in Sirrin dake b’oye na sanin asalinki da yanda kika fito.” Ya k’ura ma sisin kobon idanu yanda yaga an rubuta Black African Team. Sai ya furta “BAT.” A fili.. Lokaci guda yaci gaba da jinjina kai yana fad’in “Zan nemo Bawan Allahn nan da duka abinda na mallaka domin Farin cikinki masoyiyata.” SameenaAleeyou📚 *GIDAN ARO* *78* *©️Sameena Aleeyou...✍🏽* Wani rana Abubakar zai shiga d’akin mahaifiyarsu ya sinkayo muryarta tana sallah tana kuka tana tuba had’ida rok’on gafarar Ubangijinta. Jikinsa yai sanyi dan a lokacin mahaifinsu bai wani jima da rasuwa ba.. Yasan dik cikin kuka ne da alhinin rashin mahaifinsu, yai tsaye yana sauraronta saidai kalaman da ya soma ji tana fad’i daga k’arshe sune suka tayar mai da hankali. Fad’I take “Allah na tuba.. Allah ka yafe mun.. Mijina ya mutu baisan yanda Iyalinsa da cikin jikinta suka tafi ba.. Shin suna raye ko sun mace..? Ta haife abinda ke cikinta ko bata haife ba.. Hak’ik’a na zalunci kaina kuma na aikata babban zunubi.. Ya Allah na tuba ka yafeni.!” Kuka yaci k’arfin Inne. A hankali Abubakar ke takowa kusanta yana dubanta, Sai ya duk’a gefenta hawaye na gangaro masa kaman yanda yake gangaro mata. Bakinsa ne yaji yana furta “Inne.. Mai kika aikata..?” Ta d’ago tana dubansa tana hawaye, taci gaba da girgiza kai tana fad’in “Mummunan laifi.. Mai girma wanda ban Sani ba idan Ubangijina zai yafe mun.. Magaifinku ya rasu ba tareda na nemi yafiyarsa ba..” Ta d’anyi fasali kafin taci gaba da fad’in “Dik matar da mahaifinku ya auro ya kawo gidan nan.. Masifana da tashin hankalina bai barinta ta zauna.. Nakanyi furucin cewa gidana GIDAN ARO ne sai ta fice ta bar mun gida.. Toh matar da Baffanku ya aura daga k’ashe A lokacin kuna can tsangayar Malam Sallau da kaida d’an uwanka Marwan Itace tai k’argo a gidan nan har Allah ya nufa akwai RABO tsakaninta da mahaifinku.. Ta samu juna biyu har Ta kusa haihuwa masifana da tashin hankalina bai koreta ba.. Na k’asa jurewa na Kasa hak’ura.. Sai na tafi wajen Malamin tsubbu nace dik yanda za’ai a fitar da Ita daga gidana, da ita da abinda ke cikinta.. Ayi mata Kurciya ta tafi kuma kar ta sake waiwayo gidana balle mijina sann a rufe Bakin mijina kar ya sake tunaninta balle ya tambayi Ina take..!” Inne hawaye Abubakar hawaye. Inne taci gaba da fad’in “Tanada juna biyu Ta fita Ta tafi.. Har mahaifinku ya koma ga Ubangiji ban sanar dashi ga abinda nai wa matarsa da D’an cikinta ba.. Bamu sake ji daga gareta ba.. Ta haihu bata haihu ba Allah masani.. Kaico na Kaicon son zuciya..!” Cikin zuban hawaye Abubakar ke dubanta yana girgiza kai “Inne kece kika aikata irin mugun abun.. Innalillahi wa inna’ilaihi raji’un.. Matar ta tafi tana d’auke da